Nagsalita na ang asawa ni Nikko Natividad na si Cielo Eusebio tungkol sa kumakalat na videos, kung saan sangkot ang una at iba pang mga artista tulad ni Gil Cuerva, Arron Villaflor, at Ron Angeles.
Nagsulat ng mahabang paliwanag sa kanyang Facebook si Cielo kung saan sinabi niya na masakit ang nangyari sa kanilang dalawa, pero desisyon niya na manatiling kasal kay Nikko. Ayon sa kanya, inaako ni Nikko ang kanyang responsibilidad sa nangyari.
“Trust is hard to rebuild. Alam na alam ko na yan. It will take time, consistency, and real change. My husband will take responsibility for what he did, and while he does that, ang focus ko ang sarili ko ang pagheheal ng puso't isipan ko,” saad niya sa kanyang Facebook post.
Ayon sa kanya, alam ng mga nakakakilala sa kanila kung paano nila ipinaglaban at pinoprotektahan ang isa't isa at ang kanilang pamilya, at ang mga sakripisyo na pinagdaanan nila.
“What people see online is just a small part of our life. Hindi nila nakikita yung mga sacrifices, yung care, yung pagmamahalan namin behind closed doors. Those who really know us know our heart,” saad niya.
Nanawagan si Cielo sa publiko na tantanan siya at ang kanyang pamilya, at nanatili siya sa tabi ni Nikko kahit na may mga pagkukulang ito sa kanya.
“Spare me and my family. PLEASE Stop being harsh. I stand with my husband despite his mistakes. I am his wife. And I am the only one who can decide for our family not the opinions, not the noise, not the judgment,” saad niya.
Isa lamang si Cielo sa mga nagsalita tungkol sa intimate video scandal na ito.
Nitong Huwebes, March 5, naglabas ng statement si Gil Cuerva kung saan inamin niya na siya ang lalaki sa intimate video. Sinabi rin niya na ang naturang pahayag ang una at huling pagkakataong magsasalita tungkol sa isyu.
Idiniin din niya na walang pahintulot mula sa kanya ang pagpapakalat ng intimate video.
“The video being shared online was recorded without my knowledge or consent during a private moment. The use of a hidden camera and the distribution of that recording are serious violations of my privacy and constitute a crime,” saad niya.
Basahin ang kanyang buong statement sa baba.
Samantala, balikan ang buhay ni Nikko bago maging miyembro ng Hashtags dito:
Magkaibang-magkaiba ang pinanggalingan nina Nikko at Zeus bago sila nakapasok sa Hashtags. Si Nikko, maraming klaseng trabaho ang pinasok, samantalang si Zeus, pagsasayaw lang ang naging buhay.
Kuwento ni Nikko, dumaan siya sa iba't ibang trabaho bago siya naging parte ng Hashtags. Sa katunayan, naging waiter, wedding coordinator, at salon assistant pa siya noon.
Matapos maging assistant sa salon, nag-apply si Nikko bilang isang florist sa United Arab Emirates o UAE.
Kuwento ni Nikko, wala naman talaga siyang alam sa pagiging isang florist, "Dinaya ko po talaga, sabi, 'O, kailangan daw sa flowershop, marunong mag-ayos.' Sinabi ko marunong ako kahit hindi."
Ani Nikko, ang mindset lang niya noon ay gaganda ang buhay niya kapag nakapag-abroad siya.
Samantala, si Zeus, bata pa lang ay mananayaw na talaga. Aniya, anim na taong gulang pa lang siya ay tinuruan na siya ng kanyang nanay na sumayaw.
Isinali rin siya umano ng kanyang nanay sa iba't ibang patimpalak ng pagsasayaw, at sinabing kung saan-saan na rin siya nakarating dahil dito.
Bukod sa contests, mahilig din mag sayaw noon si Zeus sa kalye, at sinabing doon siya lumaki at natutong magsayaw. Kaya naman, 15-taong-gulang pa lang ay nagsimula na rin niyang gamitin ang talentong ito para kumita.
Pag-amin pa ni Zeus, minsan na rin siyang inalok na maging macho dancer. Ngunit saad niya, hindi niya tinanggap ang alok, at sinabing hindi niya kakayanin gawin iyon.
Sa halip, mas pinili ni Zeus na maniwala sa kakayahan niya bilang isang mananayaw at piniling sumali sa mga kompetisyon at, kung papalarin, maging back-up dancer ng mga artista.
Kalaunan ay inalok si Zeus na maging miyembro ng binubuo pa lang noon na boy group, habang pinag-audition naman si Nikko para maging parte ng Hashtags.