News
AZ Martinez, nagsalita sa betrayal issue sa pagitan nila ni Shuvee Etrata
Photo Inside Page
Photos
Noong nasa loob pa ng Bahay Ni Kuya para sa Pinoy Big Brother Celebrity Collab Edition, naging usap-usapan ang tila tampuhan ng Kapuso stars at ex-housemates na sina AZ Martinez at Shuvee Etrata.
Pag-amin noon ni Shuvee sa "GMA News Integrated Interviews," na ipinalabas sa 24 Oras, nakaramdam siya ng betrayal mula kay AZ.
Sumalang din ang huli sa "GMA News Integrated Interviews" kamakailan at ibinahagi niya kay Aubrey Carampel na gusto niyang linawin ang lahat sa kanyang fellow Sparkle star.
Pahayag ni AZ, “Nung Big Night, we hugged each other, malaking bagay na 'yun kasi I know it's also been part of my thoughts na excited na akong lumabas kasi I want to clear everything up with her.”
Dagdag pa niya, pinahahalagahan niya ang samahan at pagkakaibigan nila ni Shuvee.
“I want to see if our friendship is nandoon pa, but I really value our friendship inside the house and even before that,” sabi niya.
Panoorin ang kabuuan ng interview rito:
Matatandaang naramdaman ni Shuvee ang betrayal matapos siyang i-nominate nina AZ at River kasama ang kanyang duo na si Klarisse De Guzman.
Samantala, si AZ ay napabilang sa Big Four ni Kuya at itinanghal na Fourth placer sa Pinoy Big Brother Celebrity Collab Edition kasama ang kanyang final duo na si River Joseph.
Related gallery: Fun facts about 'PBB Celebrity Collab' housemate AZ Martinez
