Babae, laging sawi sa kapalaran sa 'Magpakailanman'
Photo Inside Page
Photos
Kuwento ng babaeng tila walang pahinga sa kasawian ang tampok sa bagong episode ng Magpakailanman.
Pinamagatang "Reyna ng Bubog," tungkol ito sa buhay ni Maricris na sunod-sunod ang hinarap na pagsubok sa buhay.
Nagahasa siya sa edad na 12 at nabuntis pa mula rito. Dahil na rin sa kanyang murang edad, kinailangang ipaampon sa kanyang tiyahin ang kanyang anak.
Inabandona siya ng kanyang ina at makukulong pa ang kanyang ama. Lumayas naman ang isa niyang kapatid, habang namatay naman sa cancer ang mas nakababata niyang kapatid na babae. Ang natitira niyang kapatid, kikitilin naman ang sarili nitong buhay.
Hindi rin pinalad si Maricris sa pagbuo ng sarili niyang pamilya. Magkakaroon sila ng dalawang anak ng lasenggo at pabaya niyang mister. Kalaunan ay hihiwalayan rin niya ito.
May pag-asa pa bang maging masaya at maginhawa ang buhay ni Maricris?
Abangan ang brand-new episode na "Reyna ng Bubog," July 27, 8:15 p.m. sa Magpakailanman.
Naka-livestream din nang sabay ang episode sa Kapuso Stream.
Samantala, silipin ang ilang eksena ng episode sa gallery na ito:
