Babaeng nagfe-flex online, magiging kidnap target sa 'Regal Studio Presents: Yaya's Day Off'
Photo Inside Page
Photos
Para sa mga mahilig mag-flex online ang brand-new episode ng weekly anthology series Regal Studio Presents.
Pinamagatang "Yaya's Day Off," kuwento ito ni Nimfa (Shaira Diaz) na mahilig mag-share ng marangya niyang buhay sa social media.
Pero ang totoo, nagtratrabaho siya bilang yaya para sa mayamang negosyanteng si Madam Kim Yu.
Kasama niya dito ang kapatid na si Juday (Pepita Curtis).
Nang mag-abroad si Madam Kim para sa isang business trip, magpapanggap si Nimfa bilang kanyang amo.
Sa pamamagitan ng livestream, ipapakita niya ang malaking bahay, pati na mga mamahaling ari-arian nito habang nagkukunwaring kanya ang lahat ng ito.
Hindi pabor si Juday sa ginagawa ng kapatid pero pagbibigyan niya si Nimfa matapos nitong mangako na pansamantala lang naman ang pagfe-flex niya sa social media.
Pero dahil sa mga posts na ito, magiging target si Nimfa ng kidnap for ransom.
Manganganib ba ang buhay nina Nimfa at Juday dahil sa pagpapanggap?
Huwag palampasin ang brand-new episode na "Yaya's Day Off," April 13, 2:00 p.m. sa Regal Studio Presents.
Maaari rin itong i-livestream sa GMANetwork.com/KapusoStream.
Silipin ang mga eksena ng episode sa gallery na ito:
