Matapos ang binyag, isang simpleng piging ang inihanda ng proud parents ni Maria Letizia na sina Dingdong Dantes at Marian Rivera.
Kapareho ng kasal ni Dingdong Dantes at Marian Rivera, ang celebrity event specialist na si Teena Barretto rin ang nag-ayos ng reception ng anak nilang si Maria Letizia.
Ang mga bulaklak na orchids, hyrangeas at tulips ang dekorasyon sa mga mesa, sunod sa color motif ng reception na blue, purple at pink.
Ang Pepita's Kitchen ni 'lechon diva' Dedet Santos ang nag-cater sa reception ni Baby Zia.
Mukhang nag-enjoy si Marian sa truffle rice stuffed lechon de leche na isa sa mga specialties ng Pepita's Kitchen.
Ang cake sa reception ni Baby Zia ay gawa ni Allen Bren Clinton Carlos na kapatid ni Bettinna Carlos, isa sa mga malalapit na kaibigan ni Marian.
Katerno ng cake, may mga chocolate cupcakes din na may chocolate ganache sa gitna at vanilla velvet buttercream sa ibabaw. May disenyo pa itong butterfly na paborito ni Marian.
Binigyan din ng simpleng regalo nina Marian at Dingdong ang mga dumalo sa binyag ni Baby Zia. Mapapansing para sa mga ninang ang mga paper bag na tinalian ng pink na ribbon, habang blue naman ang mga para sa ninong.