Nagbalik na ang pinakamasayang game show sa buong mundo, ang Family Feud!
Sa pilot week ng bagong season ng programa, iba't ibang grupo agad ang naglaro at nakihula ng top survey answers kasama ang game master na si Dingdong Dantes.
Kabilang sa mga buena manong player ay ang ilan sa cast ng The Missing Husband, Black Rider, at Stolen Life.
Bumisita rin ang basketball athletes mula sa NCAA; ang LPU Pirates, at JRU Heavy Bombers.
Nakisaya rin ang mga bago at sikat na OPM band ngayon na Dilaw at Lola Amour.
Naghatid naman ng good vibes ang ilang sikat na content creators na sina Mika Salamanca at Lottie Bie sa huling araw ng pilot week.
Balikan ang mga naging kaganapan sa unang linggo ng bagong season ng Family Feud, DITO:
Masaya ang naging season comeback ng Family Feud kung saan muling napanood ang games master na si Dingdong Dantes na isinasayaw ang Family Feud dance.
Sa buena manong episode, naglaro ang The Missing Husband cast. Ang unang team ay pinangungunahan ni Jak Roberto na gumaganap bilang si Joed sa nasabing series. Kasama ni Jak sa kaniyang team si Cai Cortez, Mark Comiso, at Daniel Bato.
Hindi rin nagpatalo sa hulaan ng top survey answers ang The Missing Husband star na si Rocco Nacino kasama sina Sophie Albert, Michael Flores, at Bryce Eusebio.
Hiningan din ng payo tungkol sa love ng isang studio audience ang tinaguriang “anti-silos” professor na si Jak Roberto.
Nakipag-groufie o group picture din si game master Dingdong Dantes sa mga buena manong studio audience.
Nakipagkulitan naman sa ikalawang episode ng pilot week ng Family Feud ang ilan sa cast ng upcoming Kapuso action series na Black Rider kasama sina Empoy Marquez, Janus Del Prado, Rainier Castillo at Salome Salvi.
Nakalaban naman ng team Black Rider ang ilan sa cast ng upcoming GMA Afternoon Prime series na Stolen Life kasama sina Carla Abellana, Divine Aucina, William Lorenzo, at direktor na si Jerry Lopez Sineneng.
Nag-timeout muna sa paglalaro ng basketball ang LPU Pirates sa kanilang pagsalang sa panghuhula ng sa survey answers.
Nakatapat ng LPU Pirates ang JRU Heavy Bombers hindi lang sa basketball kung 'di maging sa Family Feud.
Nakuha naman ng JRU Heavy bombers ang jackpot prize sa kanilang paglalaro. Dahil dito, sila ang tinanghal na kauna-unahang jackpot prize winner sa bagong season ng Family Feud.
Naglaro rin sa pilot week ng Family Feud ang OPM band na Dilaw. Ang bandang nagpasikat ng awiting “Uhaw.”
Inulan naman ng confidence at good vibes ang Family Feud kasama ang bandang Lola Amour. Sila ang banda sa likod ng sikat na awiting “Raining in Manila.”
Bumisita ang content creators na sina Mika Salamanca, boyfriend niya na si H2WO, at sina Von Ordoña, at Jadh sa Family Feud.
Pinairal naman ng Team Common Sense ang kanilang “common sense” sa pagsagot sa survey questions ni game master Dingdong Dantes. Pinangungunahan ang team na ito ng TikTok star na si Lottie Bie.
Naipanalo ng Team Common Sense ang game laban sa Team Salamanca. Congratulations, Team Common Sense!