Buhay ni Kapuso actress Faye Lorenzo, tampok sa 'Magpakailanman'
Photo Inside Page
Photos
Isang celebrity life story ang tampok sa real life drama anthology na Magpakailanman.
Ibinahagi ni Kapuso actress and comedienne Faye Lorenzo ang kuwento ng kanyang buhay sa episode na pinamagatang "Daughter's Dollhouse."
Dahil sa regalong dollhouse ng mga magulang niyang sina Itoy at Gilai, pangarap ni Faye na makapagpatayo ng sariling bahay para sa kanyang pamilya.
Pero dahil sa hirap ng buhay, bigla silang aabandonahin ng nanay nilang si Gilai. Sa murang edad, mapipilitan si Faye na maging breadwinner ng pamilya.
Para mabigyan ng mas magandang kinabukasan ang mga mas nakababatang kapatid, makikipagsapalaran si Faye sa mundo ng showbiz.
Unti-unti nang bumubuti ang buhay ni Faye at ng kanyang pamilya nang harapin nila ang panibagong pagsubok--mada-diagnose ng cancer ang ama niyang si Itoy.
Abangan ang natatanging pagganap ni Faye Lorenzo bilang kanyang sarili sa "Daughter's Dollhouse: The Faye Lorenzo Story," April 27, 8:00 p.m. sa Magpakailanman.
Naka-livestream din nang sabay ang episodes nito sa Kapuso Stream. May delayed telecast din ito sa GTV at Pinoy Hits, 9:45 p.m.
Samantala, silipin ang ilang eksena ng episode sa gallery na ito:
