Cool at good vibes pa rin ang young stars ng hit GMA Afternoon Prime series na You're My Favorite Song matapos sumabak sa isang intense action scene!
Sa episode noong Miyerkules, nabaligtad ang mundo ni Calix matapos malaman ang totoo. Napagtanto niyang mali ang pambu-bully niya kay Angel, na nag-ugat lang sa maling akala dahil sa kumalat na video.
Bilang ganti, ipinahiya ng grupo ni Calix si Charm sa pamamagitan ng pagpaskil ng mga lumang larawan nito na may malalang tigyawat. Nang makorner ni Charm ang grupo, diretsahang sinabi ni Calix na desperada ito at kailanman ay hindi niya magugustuhan.
Matapos nito, sinubukan ni Calix na humingi ng tawad kay Angel kasama si Raviel (Lee Victor). Ngunit dahil sa galit sa pamamahiya sa kaniya, naghiganti si Charm na naging dahilan upang malagay sa panganib ang buhay nina Angel at Calix.
Sa isang serye ng behind-the-scenes photos, na ibinahagi ng official Instagram page ng GMA Public Affairs, kitang-kita ang young actors na sina Caprice, Clifford, at Lee na masaya at mataas pa rin ang energy matapos ang matinding eksena sa serye.
Patuloy na subaybayan ang matitindi at nakakakilig mga tagpo sa You're My Favorite Song kung saan tampok sina Heath Jornales, Clifford, Marco Masa, at Caprice Cayetano; Lunes hanggang Biyernes, 4:00 p.m., pagkatapos ng Kamao sa GMA Afternoon Prime!
Silipin ang behind-the-scenes at off-cam photos ng YMFS cast sa gallery na ito.
Sa kabila ng matinding eksena sa You're My Favorite Song, nakuha pa ring mag-pose nang cute nina Caprice Cayetano at Clifford sa isang behind-the-scenes photo. Naka-matching sad face ang dalawa dahil sa nangyari sa kanilang mga karakter na sina Angel at Calix.
Sa nakaraang eksena, nanganib ang buhay ng dalawa nang harangin sila ng mga estudyante mula sa ibang school—isang ganti mula sa karakter ni Waynona Collings na si Charm matapos siyang ipahiya ni Calix sa Brighton Bay.
Kitang-kita naman ang saya ni Clifford sa isang candid photo matapos ang kaniyang intense at action-packed na eksena. Sa naturang eksena, sumabak siya sa pakikipaglaban upang protektahan si Angel (Caprice Cayetano) nang pagtangkaan itong saktan ng grupo ng mga kalalakihan, isang patunay sa pagbabago ng kaniyang karakter mula sa pagiging dating bully.
Hindi rin nagpahuli sa pagpapakita ng kanilang cool side sina Clifford at Lee Victor! Isang fierce pose ang ipinamalas ng dalawa matapos ang kanilang fight scene sa serye.
Sa serye, gumaganap si Lee Victor bilang si Raviel, ang best friend ni Calix (Clifford). Kasama siya ni Calix na sinusundan si Angel (Caprice Cayetano) nang bigla silang sugurin ng mga lalaking inutusan ni Charm (Waynona Collings) para patumbahin sila.
Fresh at looking good pa rin sina Angel (Caprice Cayetano) at Raviel (Lee Victor) sa isang photo, kahit galing pa lang sila sa isang matindi at intense na eksena!
Cute photo alert! Nagsama-sama sa isang candid photo na bida na sina Angel (Caprice Cayetano), Miguel (Heath Jornales), Calix (Clifford), at Zion (Marco Masa). Pagkatapos ng patung-patong na intense scenes, ano pa kaya ang mga nakakikilig, nakasasabik, at nakagugulat na pasabog sa kanilang buhay? Subaybayan 'yan sa You're My Favorite Song!