Sinagot ni Carla Abellana ang usap-usapan online na malapit na umano siyang ikasal ulit.
"Kung totoo man po 'yon o hindi, of course, that's part of my private life. I would like to keep it private. I invoke my right to self-incrimination. So, I refuse to say yes, I refuse to say no," sagot ni Carla sa interview kay Athena Imperial ng 24 Oras.
Sa usapin naman ng pagpapakasal, kung dati ay nasabi ni Carla na ayaw na sana niyang ikasal, tila nagbago na ang kanyang pananaw ngayon.
"That's coming from a person who's very wounded and broken. Of course, I'm a different person today than I was before or yesterday," dagdag ng aktres.
Ayon kay Carla, naging mahirap at matagal sa kanya ang healing process mula sa nakaraang heartbreak sa dating asawa na si Tom Rodriguez.
Aniya pa, nakikipag-date pa rin siya at kung may kailangan man siyang i-reveal ay siya na mismo ang magre-reveal nito sa takdang panahon.
"Ayoko na po ng showbiz. Kung feel ko pong exclusive, exclusive po. Pero 'pag hindi po, gusto ko mag-enjoy, okay lang, depende kung sino pong ka-jive ko. Basta maayos na tao, wala pong tinatago."
Sa interview sa Fast Talk with Boy Abunda noong September 2025, ni-reveal ni Carla na nakikipag-date siya sa mystery guy na laman ng ilan niyang Instagram posts, at sinabing hindi ito AFAM.
Balikan ang naging interview ni Carla sa 'Fast Talk With Boy Abunda':
Inilahad ni Carla Abellana sa 'Fast Talk with Boy Abunda' kung ano na ngayon ang estado ng kaniyang puso pagkatapos ng kaniyang pinagdaanang divorce kay Tom Rodriguez.
Inamin ni Carla na nahirapan siyang maging masaya ulit sa naranasan niya sa kaniyang buhay pag-ibig.
"It comes with the pain, heartbreak. Medyo mahirap po na maging masaya pa rin, optimistic and mahalin pa rin ang buhay kapag malalim at matindi ang pinagdadaanan."
Ayon sa 'Widows' War' star, umabot siya sa puntong kinuwestiyon niya ang Diyos.
"Umpisa pa lang po. Because kumbaga everything was so shocking, so abrupt, so instant na parang I couldn't comprehend. hindi ko po ma-figure out why."
Ayon kay Carla, ang kaniyang natutunan sa naranasang failed marriage ay "kapag hindi na po tama or too much already, hindi na po dapat ipilit pa."
Masaya na raw si Carla ngayon.
"It was a difficult journey to get to this point, but yes. Definitely, confident po ako na sabihin na I am happy."
Inilahad ni Carla dumaan siya sa mahabang proseso bago niya marating ang estadong ito ng kaniyang buhay.
"I surrendered to God and by God's grace nadala niya po ako dito."
Nakapagpatawad na raw si Carla sa mga nangyari sa kaniya. Pero ayon kay Carla hindi niya pa ito nakakalimutan.
"No, medyo ano pa po e I mean it doesn't just leave your head, your heart, even the body po e naaalala pa rin po. Lalo na kasi it wasn't so long ago."
Itinanong ni Boy Abunda kung ano na ang estado nina Carla at Tom. Sagot ni Carla, "We are divorced, recognized na po 'yan ng korte, ng local court po natin dito... We haven't spoken since, hindi pa po kami nagkikita or nag-uusap."
Saad ni Carla wala na siyang galit sa kaniyang puso.
"Hundred percent, ang hirap po ng may bitbit na galit. Life is so short, if you hold on to anger, it will just ruin you, it will manifest sa health. Dala-dala mo po 'yun e."
Sakaling makaharap ni Carla si Tom wala na raw siyang sasabihin sa kaniya.
"I won't say anything. Wala naman po akong kailangang sabihin."
Tinanong din ni Boy ay kung bukas ba si Carla sa pag-entertain ng mga manliligaw.
Sagot ni Carla, "Hindi ko po masyadong iniisip especially with the amount of work that we have and the very little time that we have for ourselves to rest, to recover, for personal matters. Hindi po siya priority."
Inamin ni Carla kung paano siya binago pagkatapos ng kaniyang pinagdaanang failed marriage.
"Stronger, wiser, and medyo contradictory pero vulnerable at the same time."