Kilala na ngayon si Carlo Aquino bilang isa sa mga premyadong aktor. Ngunit pag-amin nito sa Fast Talk with Boy Abunda, hindi pa rin nawawala ang tingin ng mga tao sa kaniya mula sa 1998 film na Bata, Bata, Paano ka Ginawa?
“Naalala pa rin nila ako sa Bata, Bata, Pa'no ka Ginawa? ganu'n. Siyempre compliment 'yun, e,” pagbabahagi ng aktor sa GMA Afternoon Prime talk show.
Tingnan ang pagbabalik-tanaw ni Carlo sa isa sa mga notable roles niya sa pelikula sa gallery na ito:
Pagbabahagi ni Carlo, edad 13 o 14 siya nang gawin ang Vilma Santos starrer.
Bilang isang teenager, tinanong ni King of Talk Boy Abunda kung anong paghahanda ang ginawa ni Carlo. Ayon sa aktor, "Well, kapag ang director mo ay isang Chito Roño, parang wala kang choice kundi dumating sa set ng handa na."
Kaeksena ni Carlo si Vilma Santos sa isa sa mga pinaka hindi malilimutang tagpo sa pelikula kaya naman ayon sa actor, kailangan niyang maging handa.
Pagbabahagi ni Carlo, "Dapat prepared ka na, wala ng actors cue."
Pagbabahagi pa ni Carlo, may gusto rin umanong palabasin si Direk Chito na emosyon noon mula sa kaniya.
Ani Carlo, "May gusto pa rin ilabas si Direk Chito kaya feeling ko, tini-trigger niya ako with the microphone, nasa monitor pa na 'Ano ba?! Humarap ka kaagad!' gumaganu'n siya."
At dahil umano sa mataas na emosyon niya noong ginagawa ang pelikula, kung kaya ganu'n ang kinalabasan ng kanyang eksena.
Nang tanungin naman siya ng batikang host kung ano pa ang pwede niyang gawin para mas mapaganda pa ang eksena, sinabi ni Carlo na maaari niya sanang gawin mas paloob pa ito, mas kalmado, at mas nanggagaling sa puso.
Pagbabahagi ni Carlo, madali naman sa kaniya ang bumitaw mula sa mabibigat na eksena. Ngunit pag-amin niya sa pagkakataong iyon au iba ang nangyari.
Sabi ng aktor, isang paraan niya para makabitaw sa role ay magpagpag o kaya naman, uminom ng tubig.