Handa na ang mga aktor sa upcoming GMA Primetime series na Apoy sa Dugo na magpayanig sa damdamin ng bawat manonood.
Noong August 5, nagsama-sama ang mga aktor sa story conference ng upcoming psychological drama-thriller series para alamin ang takbo ng kuwento at kilalanin ang roles ng bawat isa.
Pagbibidahan nina Elle Villanueva, Derrick Monasterio, Ashley Ortega, Thea Tolentino, Pinky Amador, Ricardo Cepeda, Cai Cortez, at content creator na si Fonz ang bagong drama series na ito, sa direksyon ni Ralfh Manuel Malabunga.
Tingnan ang mga naganap sa story conference ng Apoy sa Dugo sa gallery na ito:
Ginanap ang story conference ng Apoy sa Dugo noong August 5. Iikot ang istorya sa pamilya, katapatan, at pagtataksil.
Ayon kay Elle Villanueva, isang "answered prayer" ang kaniyang role dito sa Apoy sa Dugo.
"I am so excited na masimulan na ang project na ito," sabi ni Ashley Ortega na handa na magbaliw-baliwan para sa kaniyang role.
Mula sa drama-crime-mystery series na SLAY na pinagbidahan ni Derrick Monasterio, nagpapasalamat ang aktor sa panibagong serye na ipinagkatiwala sa kaniya.
Excited na si Thea Tolentino sa mga nakakagulat na plot twist ng kuwento ng upcoming drama series.
Ayon kay Pinky Amador, hindi niya in-expect ang pagdating ng Apoy sa Dugo matapos ang Binibining Marikit.
Muling nagbabalik sa telebisyon si Ricardo Cepeda at excited siyang makatrabaho ang kaniyang co-stars.
Masaya si Althea Ablan na mapasama sa isa na namang aabangan na teleserye na "kakaiba."
Nagpasalamat si Cai Cortez na magkakaron na muli ito ng panibagong serye.
Bilang unang teleserye ng content creator na si Fonz, excited na ito matuto pa lalo sa acting.
Isang birthday surprise ang inihanda ng kanyang Apoy sa Dugo family para kay Derrick Monasterio na nagdiwang ng kanyang kaarawan noong August 1.