News
Claudine Barretto, nagbigay ng update tungkol sa kapatid na si Gretchen Barretto
Photo Inside Page
Photos
Nagbigay ng impormasyon si Claudine Barretto tungkol sa kanyang kapatid na si Gretchen Barretto sa kanyang panayam sa Fast Talk with Boy Abunda noong Biyernes, June 12.
"She is still, of course, the queen. I don't know how she does it, but she does it really well. That's what queens are for, right?" sagot ni Claudine nang tanungin siya ni King of Talk Boy Abunda tungkol sa kanyang kapatid.
Itinanong din ni Boy kung kailan sila huling nagkausap ni Gretchen.
Ikinuwento naman ni Claudine na tungkol kay Boy ang naging paksa ng kanilang huling pag-uusap.
"So, tumawag 'yung butler niya, si Lady J, kamusta ka daw sabi ng ate mo. Sabi ko, 'with Boy ako mamaya'. Give him my love, ganyan, ganyan. Sobrang mabilis. Alam mo naman, kapag ikaw Boy, kapag si Gretchen, mahal na mahal ka," kuwento ng aktres.
Hindi rin napigilan ni Claudine na purihin ang kasalukuyang kalagayan ng kanyang kapatid.
"I am so proud of my sister. You should see her now. She's always been beautiful, pero ngayon, ewan ko talaga at kung anong sumapi sa kapatid ko at extra extra yata 'yung pagkaganda niya," pahayag niya.
Noong 2025, nasangkot si Gretchen sa isyu tungkol sa mga nawawalang sabungero kasama ang negosyanteng si Atong Ang.
Humarap naman ang aktres sa unang preliminary investigation ng Department of Justice (DOJ) noong September 2025. Nagsumite rin si Gretchen sa DOJ ng counter affidavit kung saan iginiit niyang wala siyang kinalaman sa pagkawala ng naturang mga sabungero.
Meanwhile, take a look at the Barrettos' tender moments during their mother Inday's wake in this gallery.
