News
Photo Inside Page
Photos
Matapos maisyuhan ng warrant of arrest, nakapagpiyansa na sina Cristy Fermin at Wendell Alvarez kaugnay ng cyber libel complaint na inihain ng aktres na si Bea Alonzo.
Sa programang Cristy FerMinute nitong Huwebes (July 31), inanunsyo ni Cristy na na-recall na ang kanilang arrest warrant matapos silang magsadya sa Quezon City Regional Trial Court (RTC).
Ayon sa kanya, hindi muna nakadalo sa episode ang co-host na si Rommel Villamor dahil inaasikaso pa rin ang kanyang piyansa.
"Ang nauna pa lamang po na nakapagsadya sa Branch 93 ng Regional Trial Court ng Quezon City ay kami pa lamang po ni Wendell Alvarez," ani Cristy. "Si Rommel po ay nahuli dahil ang requirements po mula sa barangay ay huli nang kanyang maipon. Kaya nandoon pa nga siya ngayon sa Branch 93 RTC ng Quezon City at inaasikaso ang kanyang bail."
Aminado si Cristy na ikinagulat nila ang pagkaka-isyu ng arrest warrant, lalo't wala umano silang natanggap na resolusyon mula sa piskalya.
"Pagka po kasi ang isang kaso ay dinidinig sa piskalya, magkakaroon po 'yan ng resolusyon. Pero hindi po kasi kami nakatanggap ng resolusyon. Maging aming mga abogado, wala rin natanggap," paliwanag niya.
Ayon sa kanya, July 21 pa inilabas ang warrant ngunit nalaman lamang nila ito noong July 30. Nauna pa raw itong nailathala sa mga balita at social media bago pa man sila maabisuhan.
Pero paniwala ni Cristy ay baka dahil sa nagdaang mga bagyo at habagat kaya't naapektuhan ang paglabas ng balita tungkol sa warrant.
Samantala, nagbigay rin ng pahayag ang abogado ni Bea na si Atty. Joey Garcia.
"We have always stood firm in the merits of our client's case. This development vindicates her position and affirms her right to seek redress," aniya.
"This is not only an initial legal victory for Ms. Alonzo but a statement of principle, free speech does not mean freedom to defame. The law draws a clear line and that line has been crossed."
Noong May 2024, naghain ng cyber libel complaint si Bea laban kina Cristy, Rommel, Wendell, at Ogie Diaz dahil umano siya ay naging biktima ng mga "mali, malisyoso at mapanirang impormasyon."
Samantala, balikan ang iba pang high profile libel complaints sa Philippine showbiz sa gallery na ito:
