'Dear Uge Presents' Sneak Peek: Madam Yaya
Photo Inside Page
Photos
Gaganap si Donita Nose bilang si Marga, ang sosyal na yaya ng kanyang nouveau rich na amo na si Lucy, ang karakter ni Ethel Booba sa Dear Uge Presents ngayong Linggo, April 18.
Yaya man si Marga, siya ang pinagkakatiwalaan ni Lucy sa ilang mga importanteng desisyon sa kanilang bahay, pati na sa usaping lifestyle at fashion. Maliban sa pagtuturo niya sa kanyang amo kung paano maging “madam,” si marga rin ang nagtuturo kay Lucy kung paano maging mabuting single parent.
Maayos ang setup ng mag-amo hanggang sa maisipan ni marga na mag-resign para tumira na sa ibang bansa kasama ang kanyang nobyo. At mula rito ay nanganak nang nanganak ang problema sa pagitan ng dalawa.
Hindi na nga ba magkakasundo sina Marga at Lucy?
Isang mabuting samahang ng isang madam at ng kanyang yaya ang mahahamon sa Dear Uge Presents, ngayong Linggo, April 18, sa GMA-7.
