News
Dingdong Dantes, nag-react sa gumagamit ng kaniyang pangalan para magkalat ng fake news
Photo Inside Page
Photos
Nilinaw ni Dingdong Dantes na walang katotohanan ang bagong kumakalat na post sa social media.
Noong February 20, agad na nagsalita si Dingdong sa isang quote post sa social media na sinabi niya umano. Binigyang-linaw niya na ito ay fake news.
PHOTO SOURCE: Dingdong Dantes (Facebook)
Diin ng Kapuso star, "Hindi ko 'to sinabi."
Ang post na tinutukoy ni Dingdong ay nagsasabing, "Dingdong Dantes said!! Nakakatakot pag nanalo si VP Sara. Nakikita ko sa kanya ang tapang talino at abilidad na may kakayahang mamuno gaya ng KANYANG AMA."
Si Dingdong ay bahagi ng advocacy campaign ng GMA Network at Entertainment Group's infotainment and talk shows na "Be Juan Tama."
Bahagi ng campaign na ito ay ang paninigurado kung tama ba ang impormasyong ipinapakalat online. Saad ni Dingdong, "Si Juan Tama, pinipili niya ang tamang content. Si Juan Tama, pinipili niya ang tamang asal. Halimbawa hindi ka sigurado, tanungin mo, o siguro mag-cross check, tingnan mo sa ibang sources, sa ibang website."
Related content: Celebrities take action against unauthorized use of their names in fake product ads
