May bagong tagumpay na nakamit ang Pinoy Olympian na si EJ Obiena.
Sa latest feature ng Sports Hirit sa GMA morning show na Unang Hirit, inilahad na pinatunayan muli ni EJ na siya pa rin ang King of Asian Pole Vaulting.
Siya ulit ang nakasungkit ng gold medal sa 2025 Asian Athletics Championships na ginanap sa Gumi, South Korea kamakailan lang.
Nagtagumpay siya sa kompetisyon matapos niyang ma-clear ang 5.77-meter mark.
Sa kaniyang Instagram account, makikita ang kaniyang best moments sa kaniyang napagtagumpayang laban.
Sa hiwalay na post, ibinahagi ng Filipino athlete ang isang group photo kasama ang kaniyang fellow winners.
Sulat niya sa caption ng kaniyang post, “Three-peat Asian Champion…”
Ito na ang three-peat win ni EJ mula nang siya ay maging gold medalist sa parehong kompetisyon.
Lumaban siya sa Dubai noong 2019 at sa Thailand naman noong 2023.
Samantala, alamin kung bakit binansagan si EJ bilang 'Boyfriend ng Bayan':
Sa kauna-unahang pagkakataon, sumalang sa “Fast Talk” interview kasama si Boy Abunda ang Pinoy athelete na si EJ Obiena.
Si EJ Obiena ang isa mga mahuhusay at sikat na atletang Pinoy ngayon na nagbigay karangalan sa bansa matapos makilahok sa Olympics. Siya ay kinikilala bilang Asia's best and World No. 3 pole vaulter.
Game na sinagot ni EJ Obiena ang maraming tanong sa kaniya ng King of Talk na si Boy Abunda.
Kuwento ni EJ Obiena kay Boy Abunda, madalas siyang nakakatanggap ng compliment ngayon mula sa mga tao, gaya ng pagtawag sa kaniya ng “pogi.”
Ayon kay EJ Obiena, hindi siya sanay na matawag ng ganito dahil sa katunayan ay may mga nanlalait sa kaniya noon.
“Hindi ako nasanay. I don't even know how to feel. It's a bit odd.
Kuwento ni EJ Obiena, tampulan din siya ng panunukso noon. “May kaklase ako before, sabi niya, 'Yung parents mo, they don't look... hindi naman pangit, bakit ang pangit mo?' Like, it's weird for me to be honest po,” natatawang sinabi ni EJ.
Hindi rin umano aware si EJ Obiena na marami na “sexy” ang tingin sa kaniya ng ibang mga tao.
Paglalahad ni EJ Obiena, bata pa lamang ay nakahiligan niya na ang sports, hanggang sa maipakilala sa kaniya ang pole vaulting.
Nakamit ni EJ Obiena ang ikaapat na puwesto sa Men's Pole Vault ng 2024 Paris Olympics, malaki ang itinalon niya mula sa 11th ranking noong 2020 Tokyo Olympics.
Nagbahagi rin si EJ Obiena ng kaniyang “silip” routine sa pole vaulting, kung saan may sinisilip muna siya sa kaniyang pole bago tumalon. Aniya, “May ano po siya, parang pre-bend. Parang may baluktot siya, may soft side and stiff side. Hinahanap ko 'yun. Pag ganon, makikita kong sakto ang bend sa harap.”
Maraming Pilipino ang natutuwa sa magandang attitude ni EJ Obiena sa kinalalabasan ng kaniyang bawat laban sa sports.
Kitang-kita ng mga tao ang pagpupursigi ni EJ Obiena upang maabot ang kaniyang pangarap na mas maging mahusay na pole vaulter.
Hinangaan din ng marami ang pagmamahal ni EJ Obiena sa kaniyang pamilya na saksi sa bawat hirap at tagumpay.
Binansagan namang “boyfriend ng bayan” si EJ Obiena dahil sa kaniyang malakas na appeal sa masa.
Sa ngayon, pahinga muna si EJ Obiena para makapag-recharge sa kaniyang susunod na laban.