Maraming artista ang sumabak na rin sa pulitika at ngayong Eleksyon 2025, ilan sa kanila ang muling magsisilbi sa gobyerno.
Nangungu sa listahan si Isko Moreno, na nakatakdang magbalik bilang mayor ng Maynila. Una siyang naging alkalde ng lungsod noong 2019.
Wagi rin ang anak niyang si Joaquin Domagoso bilang konsehal ng unang distrito ng Maynila.
Narito ang listahan ng mga personalidad na wagi sa Eleksyon 2025.
Magbabalik si Isko Moreno bilang mayor ng Maynila matapos niyang manalo sa Eleksyon 2025.
Magsisilbi bilang konsehal ng Maynila si Joaquin Domagoso.
Muling magsisilbi bilang konsehal ng ikaanim na distrito ng Maynila si Lou Veloso.
Patuloy ang pagsisilbi ni Dodot Jaworski bilang vice mayor ng Pasig City.
Gayundin ang councilor ng Pasig City si Kiko Rustia na dating host ng programang 'Born to be Wild.'
Mahigit 190,000 ang nakuhang boto ni Angelu de Leon, na tumakbo muli bilang konsehal ng ikalawang distrito ng Pasig City.
Muling magsisilbing mayor ng Ormoc City si Lucy Torres-Gomez.
Patuloy na irerepresenta ni Richard Gomez ang ikaapat na distrito ng Leyte sa Kongreso.
Panalo si Cai Cortez bilang konsehal sa Taytay, Rizal.
Tatlong taon pang magiging governor ng Bulacan si Daniel Fernando.
Si Alex Castro ay muli ang magsisilbing vice governor ng Bulacan.
Tatlong taon pang magiging representative ng 1st District ng Cavite ang aktor na si Jolo Revilla.
Wagi rin ang ina ni Jolo, na si Lani Mercado-Revilla, bilang representative ng ikalawang distrito ng Cavite.
Sa unang pagkakataon, magisilbing bokal ng Sangguniang Panlalawigan ng Tarlac ang aktor na si Arron Villaflor.
Magsisilbing governor ng Laguna ang dating mamamahayag na si Sol Aragones, na tinalo ang incumbent governor at aktor na si Dan Fernandez.
Magiging miyembro ng Sangguniang Panlalawigan ng Laguna ang aktres na si Angelica Jones.
Patuloy na manunungkulan si Gian Sotto bilang vice mayor ng Quezon City.
Muling nagwagi si Arjo Atayde bilang representative ng unang distrito ng Quezon City.
Tatlong taon pang magsisilbi bilang representative ng ikatlong distrito ng Quezon City ang dating basketball player na si Franz Pumaren.
Muling nanalo si Aiko Melendez bilang konsehal ng ikalimang distrito ng Quezon City.
Magsisilbi muling konsehal ng ikalimang distrito ng Quezon City si Alfred Vargas.
Magsisilbi bilang konsehal ng Angeles City, Pampanga, si JC Parker.
Nahalal din bilang konsehal ng Angeles City, Pampanga, ang dating aktres at beauty queen na si Maricel Morales.
Matagumpay na nakabalik si Star for All Seasons Vilma Santos bilang governor ng Batangas.
Magsisilbing konsehal ng General Santos City si Michael Pacquiao, ang anak ni Manny Pacquiao.
Muling magsisilbing konsehal si Ryan Yllana sa ikalawang distrito ng Paranaque City.
Magkakaroon ng bagong Tulfo sa senado dahil nagwagi si Erwin Tulfo bilang senador.
Matagumpay ang muling pagtakbo ni Lito Lapid bilang senador.
Magbabalik sa senado si dating senate president Tito Sotto na muling nahalal.
Naluklok sa senado si Camille Villar na dating co-host ng programang 'Wowowillie.'