Opisyal nang nagpapaalam si Faith Da Silva bilang Sang'gre Flamarra, ang naging bagong tagapangalaga ng Brilyante ng Apoy, sa pagtatapos ng Encantadia Chronicles: Sang'gre.
Ipinarating ng aktres ang kanyang nag-uumapaw na pasasalamat para sa proyektong naging malaking parte ng kanyang buhay, sa mga nakasama, at maging sa mga taong nagmahal at sumuporta rito.
Mahirap para kay Faith Da Silva ang magpaalam sa proyektong tatlong taong naging parte ng kanyang buhay.
"Mahirap magpaalam sa proyektong naging malaking parte ng buhay ko, pero sobrang pasasalamat ko at naging bahagi ako nito," sulat ni Faith Da Silva.
Nagpapasalamat si Faith Da Silva sa pagkakataon na naging bahagi ng Encantadia Chronicles: Sang'gre, na aniya, isang natupad na pangarap. "Maraming salamat sa lahat ng natutunan, taong nakasalamuha, moments na hindi matutumbasan, and a dream that came true."
Nagpasalamat din si Faith Da Silva sa suporta at pagmamahal na ibinigay ng Encantadiks para sa Sang'gre. Sabi niya, "Encantadiks, Avisala eshma sa inyong mainit na pagmamahal hanggang ngayon."
Ipinarating ni Faith na hindi lamang trabaho ang kanyang iniwan sa pagtatapos ng Sang'gre, kung hindi maging ang malaking parte ng kanyang puso.
Si Faith Da Silva kasama ang kanyang Sang'gre co-stars na sina Kelvin Miranda, Bianca Umali, Rhian Ramos, at Angel Guardian.
Mensahe ni Faith Da Silva para kina Bianca Umali, Rhian Ramos, at Angel Guardian, "Salamat sa tatlong taon."
Sa Sang'gre, nakaeksena ni Faith Da Silva ang Miss Universe Philippines 2025 at Miss Universe third-runner-up na si Ahtisa Manalo kasama ang kanyang ada na si Glaiza de Castro.
Ang mga anak ni Sang'gre Pirena (Glaiza De Castro) na sina Flamarra (Faith Da Silva) at Mira (Kate Valdez).
Avisala eshma, Sang'gre Flamarra! Hanggang sa muli.