Hindi maitatangging nasa edad na ngayon si Frankie Pangilinan, ang anak nina Mega Star Sharon Cuneta at Senator Kiko Pangilinan, para umibig at magkaroon ng love life. Buti na lang ay mayroon siyang inspirasyon mula sa kaniyang mga magulang tungkol sa pagkakaroon ng romantic relationships.
Sa pagbisita ni Frankie sa Fast Talk with Boy Abunda nitong Biyernes, August 1, kinamusta ni King of Talk Boy Abunda ang buhay pag-ibig ng dalaga. At nang tanungin kung may boyfriend na ba ito, sagot ni Frankie, “Not at present po, not at present.”
“It's also more to do with for five, six years, there was a COVID, I was in and out, and I think parang not only would it be impractical, it would also seem sort of like 'Wow, gusto ko lang masaktan' kung magkaroon po ako ng jowa either in the US or here,” sabi ni Frankie.
Pagpapatuloy pa niya, “If I dated someone here, then I would have to keep leaving them, and then if I dated someone in New York also, I would eventually have to move back home and then I felt like it was just a lot.”
Paglilinaw naman ni Frankie ay nakipag-date naman siya, pero para umano sa kaniya, hindi praktikal na magkaroon siya ng comitted relationship noon.
Dahil napag-uusapan na rin naman ang pag-ibig, tanong ni Boy kay Frankie, “Pag pinag-uusapan ang love, ano ang natutunan mo sa mga parents mo?”
Alamin ang sagot ni Frankie sa gallery na ito:
Para kay Frankie Pangilinan, pinakamahalaga pa rin sa isang successful relationship ay communication, bagay na nakita niya mula sa kaniyang mga magulang.
Pagbabahagi ni Frankie Pangilinan, maraming pagkakaiba ang kaniyang mga magulang, pero ang importante ay ang pagkakapareho nila, "Number one, integrity, they are so themselves all of the time. Like kung how mommy appears on TV, that's exactly how she is."
Sang-ayon din si Frankie Pangilinan sa sinabi ni Boy Abunda tungkol kina Sharon Cuneta at Kiko Pangilinan na buo sila pareho. Ani Frankie, "Buo, exactly. It's never 'She's my other half.' No, they are each other's other whole so palaging merong sasalo in other words."
Ibinahagi rin ni Frankie Pangilinan ang love language ng kaniyang mga magulang: pagkain, bagay na tumatak sa isip niya sa paghahanap ng magiging boyfriend, partner o asawa sa hinaharap.
Ayon kay Frankie Pangilinan, magiging senyales para sa kaniya na nahanap na niya ang the one dahil sa pagkain. Pagbabahagi ng dalaga, "When 'yung maliliit po na mga swahe na sobrang tamis, pero medyo mahirap dahil tuwing hinihimay po siya, obviously, matagal tapos maliit lang 'yung bite. My soulmate, my husband would help me peel and would make a little pile po, and he will carry din po 'yung mga baka at baboy ko galing sa palengke."
Kung dati ay hindi maisip ni Frankie Pangilinan na mag-boyfriend dahil pabalik-balik siya sa pagitan ng Pilipinas at Amerika, tanong ni Boy, handa na kaya siya magka-boyfriend ngayon?
Hiling ni Frankie Pangilinan, bigyan muna siya ng oras para matapos ang nobelang sinusulat niya. Paliwanag niya, sobrang workaholic siya kaya baka hindi rin niya mabigyan ng oras ang magiging boyfriend.
Sinang-ayunan din ni Frankie Pangilinan ang sinabi ni Boy Abunda na hindi naman talaga pinaplano ang pagkakaroon ng partner o love life.
Nang tanungin naman siya ni Boy Abunda kung ilan na ang naging boyfriend niya, pag-amin ni Frankie Pangilinan, " I think real, like long, long term boyfriend was one, and that was enough because after that I was like, 'Woah!' that was my first, that was my first relationship."
Sa ngayon, masaya lang si Frankie Pangilinan na pakinggan ang favorite song niya mula sa mga kanta ng kaniyang ina na si Sharon Cuneta. Ang "Dear Heart," na pinapakinggan niya umano para isulat ang kaniyang nobela.