Sa Fast Talk with Boy Abunda nitong Martes, March 3, kinumpirma ni Gee Canlas na hiwalay na siya sa asawa at kapwa aktor na si Archie Alemania.
Ayon kay Gee, hindi naging madali ang desisyon na ginawa niya, lalo na at isa sa mga pangarap niya ang magkaroon ng sariling pamilya.
“It's not something na parang on a whim, ginawa na lang or nag-decide na lang ng ganu'n. I made sure that I was at a point in my life na I was weighing already what matters most in my life kaya tayo nandito ngayon,” sabi ni Gee.
Sa kabila nito, marami pa rin daw natutuhan si Gee sa kanyang naging karanasan. Alamin ang mga iyon sa gallery na ito:
Isa sa mga natutuhan ni Gee pagkatapos ng nangyari sa kanila ni Archie ay laging maging present. Maymga pagkakataon raw kasi na kapag kinakausap siya ay tumatawa lang siya, ngunit wala sa pinag-uusapan ang isipan.
Madalas, sabi ni Gee, hindi niya fully naa-absorb ang sinasabi ng kaniyang kausap.
Ngayon, mas fully present na siya--hindi lang sa kaniyang mga kaibigan, pati sa kaniyang anak na si Caleb.
Sabi ni "That's how I can be also there for Caleb, na hindi lumilipad 'yung utak, ang daming wino-worry, ang daming iniisip. Si Caleb 'yung one thing that allows me to be present and zero in."
Ngayong hiwalay na sila ni Archie Alemania, aminado si Gee Canlas na may kailangan niyang mag-show up para sa kanilang anak.
Aminado naman si Gee na hanggang ngayon ay hindi pa niya lubusang napoproses ang nangyari sa kanila ng dating asawa. "It takes a while kasi po parang I have to-- hindi tumitigil 'yung buhay, hindi tumitigil 'yung araw so wala akong choice, I have to keep going at it," sabi ng aktres.
Aminado naman ang aktres na noong una ay may galit sa puso niya. Ngunit ang galit na ito ay napalitan umano ng kalungkutan, lalo na at isa sa mga pangarap niya ang magkaroon ng pamilya.
Sabi ni Gee, "Parang to me, okay na, e. But I'm in the process right now of accepting what is and 'yung galit, being human, you are. I woul be fake if I tell you, 'No, Tito Boy, hindi ako nakaramdam.' But now it's more of 'Wala na, e.'"
Isang pagsisisi ni Gee Canlas ay ang hindi niya pag-alis nang mas maaga sa kanilang relasyon. Dahil pangarap nga niya ang magkaroon ng pamilya, naging mahirap para sa aktres na iwan ito.
Pag-amin ni Gee, malaking tulong ang trabaho niya sa 'House of Lies' para unti-unting maka-moveon. Naging tulay rin ito para mailabas niya ang mga emosyon niya sa eksena.