Idinaan ng ilang Pinoy netizens sa memes at witty na mga hugot ang kanilang pagkadismaya sa fuel price hike bunsod pa rin ng nagpapatuloy na tensyon sa Middle East.
Silipin sa gallery na ito ang ilang good vibes edits at memes tungkol sa pagtaas ng presyo ng produktong petrolyo sa Pilipinas.
Ayon sa meme ng isang netizen sa photo, “Kunwari running era, nagtitipid lang pala sa gas.”
Isang 'manananggal filter' sa TikTok ang pina-try ng netizen na si Elmer Largo Jr. sa kanyang kapwa kagawad. Mababasa sa text ng kanyang post, “POV: Mahal na gasolina, back to basic muna [laugh emojis].”
POV ng content creator na si Jhon Rheniel Galos, “Dinala ka ng jowa mo sa mamahaling lugar— sa gasolinahan.”
Hugot ng netizen na si Rowelyn, “Sana gas na lang ako para sobrang kailangan, sobrang mahal, at nakakatakot mawala.”
Ang netizen naman na si Ian Bartolome, nagpaka-creative sa kanyang hugot tungkol sa fuel price hike. Mala-anime ang datingan ng short clip na in-upload niya sa kanyang social media account.
Isang netizen naman na musikero ang nagbiro na imbes na mag-drive gamit ang kanyang sasakyan ay sa kabayo na lang niya gustong magpahatid papunta sa kanyang gig para makatipid.
POV naman ng netizen na ito na nagbahagi ng larawan na nakasakay sa isang kalabaw: “Me papuntang coffee shop dahil sa sobrang mahal ng gas.”
Hirit naman ng isang netizen, gasolinahan ang tinutukoy niya sa photo na mamahaling destination niya sa kanyang next trip.