News
'Grateful to be alive': Direk Adolf Alix Jr. nagsalita matapos ang near-death experience
Photo Inside Page
Photos
Marami sa showbiz industry ang nabigla matapos ibahagi ng multi-awarded director na si Adolf Alix Jr. sa kanyang Instagram account noong July 14 na nasangkot siya sa isang malubhang pedestrian accident sa Abacan Diversion Road sa Pampanga.
Ayon kay Direk Adolf, nabangga siya ng isang Toyota Raize noong madaling araw ng July 14 habang nasa naturang lugar. Inilarawan niya ang insidente bilang isang "near-death experience" na nagbigay sa kanya ng mas malalim na pagpapahalaga sa buhay.
Sa simula ng kanyang post, sinabi niya:
“Still processing everything, but today I am just overwhelmingly grateful to be alive.”
Ikinuwento rin ng filmmaker ang mga pangyayari bago at habang nagaganap ang aksidente.
“Yesterday morning, July 14, at around 5:45 AM, I was involved in a terrifying pedestrian accident along Abacan Diversion Road. The impact was so strong that I slammed into the windshield, was thrown into the air, and took a hard hit to my right side. Facing a near-death experience like that puts absolutely everything into perspective. It is a true miracle that I survived being hit.
“God is our miracle worker and I am thanking Him for giving me a second chance at life.”
Sa kabila ng kanyang pinagdaanan, nagpahayag ng pasasalamat si Direk Adolf sa mga taong agad na tumulong sa kanya matapos ang aksidente, kabilang ang mga nag-assist sa kanya sa lugar ng insidente at mga tumulong sa pagproseso ng police report.
“My main message today is just pure gratitude. A huge thank you to everyone who assisted me at the scene and to those who helped handle the police reporting so I could focus on recovering and finish my work yesterday. Hug your loved ones a little tighter today.
“Life is fragile, unpredictable, and so, so precious. ✨🤍 Please pray for my swift recovery. 🙏🏼 Thank you for all the messages.”
Kilala si Adolf Alix Jr. bilang isa sa mga respetadong direktor sa bansa at maging sa international film scene. Noong 2024, pinarangalan siya bilang Best Director sa International Manhattan Film Awards para sa pelikulang That Boy in the Dark.
Sa kasalukuyan, nakatakda niyang idirehe kasama ni Direk Dominic Zapata ang inaabangang drama-comedy series na Delivery Boi, na pagbibidahan ni Will Ashley.
Makakasama ni Will sa serye sina Eric Quizon, Vince Maristela, Keempee de Leon, Meryll Soriano, Yasser Marta, Maricar de Mesa, at marami pang iba.
Sa gitna ng kanyang paggaling, patuloy namang bumubuhos ang suporta at panalangin mula sa kanyang mga kaibigan, katrabaho, at tagahanga para sa kanyang mabilis na recovery.
RELATED CONTENT: Celebrities who survived terrifying car accidents and lived to tell their tales
