Hannah Precillas, mapapanood muli sa musical talent show sa Indonesia
Photo Inside Page
Photos
Muling mapapanood ang Kapuso OST Princess na si Hannah Precillas sa dangdut musical talent show sa Indonesia, ang Dangdut Academy (D'Academy) Asia, para sa ika-anim na edisyon nito. Ang dangdut ay isang genre ng Indonesian folk music.
Tampok sa D'Academy ang iba't ibang mang-aawit mula Southeast Asia at Western Asia. Sa bagong season ng show, walong contestants ang maglalaban-laban mula Brunei, Indonesia, Malaysia, Singapore, Thailand, East Timor, Turkey, at Pilipinas.
Pero this time around, magsisilbi si Hannah bilang guest host/commentator para sa Dangdut Academy Asia 6 na ipapalabas sa Indonesian TV network na Indosiar.
Matatandang sumali na noon si Hannah sa Dangdut Academy Asia noong 2019 para sa ikalimang season nito kung saan siya nagtapos bilang second runner-up.
Isa lamang si Hannah sa limang Filipino singers na sumali sa Dangdut Academy Asia 5.
Ang iba pang kinatawan ng Pilipinas sa D'Academy Asia 5 ay sina The Clash season three alumna Sheemee Buenaobra, Renz Fernando, Joshua Manio, at Shello de Castro.
BALIKAN ANG PAGSALI NI HANNAH PRECILLAS SA D'ACADEMY SA GALLERY NA ITO:
