Naging kuwela at mapangahas ang mga rebelasyon ni Herlene Budol sa media conference ng bago niyang serye na 'Binibining Marikit,' na mapapanood na simula sa February 10 sa GMA Afternoon Prime.
Ginanap ang media conference noong Lunes, February 3, sa Studio 6 ng GMA Network Annex.
Ayon kay Herlene, tila naka-jackpot siya dahil sa kanyang naggwagwapuhang leading men na sina Tony Labrusca at Kevin Dasom.
"Napakasuwerte ko sa 'Binibining Marikit' na 'to," bulalas ng aktres.
Pag-amin ni Herlene, mayroon siyang kissing scene sa pareho niyang leading men.
"Inalalayan po nila ako," aniya.
Biro pa niya, "Talaga 'yung toothbrush ko, talagang tinabi ko sa tulog ko."
Aminado naman si Herlene na kinilig siya sa kanilang intimate scenes pero, paglilinaw niya, propesyunal siya sa ganitong klaseng eksena.
Marami rin daw siyang natutunan sa dati niyang serye na 'Magandang Dilag,' na nakatulong para i-improve ang kanyang acting.
"Dito ko po mas itinama lahat ng pagkakamali ko do'n kasi, siyempre, bilang baguhan po, talagang inaral ko po 'yung karakter ng bawat isa."
Narito ang ilang larawan sa media conference ng 'Binibining Marikit.'
Nagsuot ng Filipiniana at Barong ang cast ng upcoming GMA Afternoon Prime series na 'Binibining Marikit' sa kanilang Filipino-themed media conference na ginanap noong Lunes, February 3, sa GMA Network Annex Studio 6.
Litaw ang kaseksihan ng bida ng 'Binibining Marikit' na si Herlene Budol sa kanyang modern halter terno na nagpapakita ng kanyang flat tummy.
Mala-supermodel si Pokwang nang humarap sa kamera para mag-pose bago maglakad patungo sa stage. Gaganap siyang ina ni Herlene Budol sa serye.
Clean look ang dating ni Tony Labrusca sa kanyang modernong Barong na may embroidery details. Isa sa leading men ni Herlene Budol sa 'Binibining Marikit' ang aktor na acting debut sa GMA ang drama series.
Supportive dad ni Herlene Budol si Cris Villanueva sa 'Binibining Marikit.'
Ageless ang ganda ni Almira Muhlach sa kanyang pulang terno. Ang aktres ang gaganap na main kontrabida sa serye.
Sa 'Binibining Marikit,' papatunayan ng komedyanteng si John Feir na kaya niya ring mag-drama.
May bagong kontrabida role na namang aabangan kay Thea Tolentino at ito ang kanyang karakter sa 'Binibining Marikit.'
Best friend ni Herlene Budol ang gagampanang role ni Ashley Rivera sa serye.
Si Jeff Moses ang boyfriend ni Ashley Rivera sa 'Binibining Marikit.'
Matapos lumabas sa BL series, nakakaaliw pero kaiinisan naman ang role ni Migs Almendras sa 'Binibining Marikit.' Siya ang beki best friend ni Thea Tolentino sa bagong serye.
Ipinapakilala sa 'Binibining Marikit' ang Thai-Irish model at Manhunt International 2024 titlist na si Kevin Dasom. Isa siya sa love interests ni Herlene Budol sa GMA Afternoon Prime series.
Dumalo rin sa media conference ang direktor ng 'Binibining Marikit' na si Jorron Lee Monroy.
Inalalayan nina Kevin Dasom at Tony Labrusca ang kanilang leading lady paakyat ng stage.
Si Ashley Rivera rin ang nagsilbing host ng event.
Naging kuwela ang media conference dahil sa mga rebelasyon ng cast.
Nagpakuha ng litrato si Herlene Budol sa kanyang Kapuso bosses na sina GMA Senior Vice President for Entertainment Group Lilybeth Rasonable at GMA Vice President for Drama na si Cheryl Ching- Sy.
Paniguradong riot ang samahan nina Pokwang at Herlene Budol sa set ng 'Binibining Marikit' at patunay diyan ang wacky shot na ito.