Hula ni Jay Costura kay Kris Aquino: 'Mahaba pa ang buhay ni Kris'
Photo Inside Page
Photos
Kilala bilang isang sikat na psychic si Jay Costura dahil sa kanyang tila mga nagkatotoong hula tungkol sa showbiz, politika, at pati na rin sa mga trahedya o pangyayari sa mundo.
Marami siyang nahulaan at pinag-usapan ito sa internet katulad ng pandemyang dulot ng COVID-19 noong 2020.
Ngayon, may mga bagong hula at babala si Jay para sa mga artista at iba pang kilalang personalidad sa Pilipinas.
Sa bagong bidyo ng showbiz columnist na si Ogie Diaz, isa sa mga pinag-usapan nila ay ang kalagayan ng dating talk-show host na si Kris Aquino.
Ayon kay Jay, masasabi niyang mahaba pa ang buhay ng aktres dahil sa kanyang pananampalataya sa Diyos.
"I really admire Kris Aquino kasi napakalakas ng faith niya, 'yung pananampalataya niya. Mahaba pa ang buhay ni Kris kasi madami rin nagdadasal sa kanya," pahayag niya.
Nakatutulong din daw ang pagtanggap ni Kris sa kanyang kalagayan at ang pagiging handa niya sa posibilidad ng pagpanaw sa kahit anong oras.
"Isa pa is 'yung acceptance niya is nakatutulong. 'Yung nakakatulong is hindi siya natatakot mamatay and alam niya kasi sa sarili niya kung mawala man siya and daming tao na puwedeng mag-alaga sa mga anak niya. In that sense kasi, parang 'yung energy niya ang bumubuhay sa kanya at saka 'yung faith niya kay Lord," paliwanag niya.
Dagdag pa niya, "Habang ganu'n ang napi-feel niya, mas lalo siyang lumalakas at gagaling. I can feel that kasi makikita mo siya sa aura niya na she wanted to live more para sa mga anak niya. Pero nandoon pa rin 'yung acceptance din na anytime pwede siya mamaalam."
TINGNAN ANG NAGING PAHAYAG NG ANAK NI KRIS NA SI BIMBY TUNGKOL SA KANIYANG KALUSUGAN SA GALLERY NA ITO:
Sa kasalukuyan, tuloy pa rin ang pagpapagamot ni Kris sa Amerika laban sa kanyang mga autoimmune diseases. Ang kanyang mga anak naman na sina Bimby at Josh ay bumalik na ng Pilipinas para ituloy ang kanilang pag-aaral.
Sa mga dating panayam, nabanggit din ng aktres na may plano na rin siyang bumalik sa bansa ngayong taon.
"Hopefully, sa last quarter ng taon, bago mag-Pasko, I'll be back in the Philippines,” hiiling niya.
Samantala, silipin ang timeline ng mga health scare ni Kris Aquino sa gallery na ito:
