Pumanaw na ang impersonator at komedyante na si Michelle O'Bombshell o Roderic Cuntapay sa tunay na buhay. Kinumpirma ito ng kapwa comedienne na si Pepita Curtis sa isang Facebook post.
“Paalam Nay Michelle O'Bombshell, lalong masaya dyan ngayon sa Taas dahil andyan po kayo ” caption ni Pepita sa kaniyang post.
Dito pinasalamatan din ni Pepita ang komedyante na nagsilbing writer ng kaniyang birthday concert noong 2024. Sabi pa niya, habang buhay niya papahalagahan ang pagpayag ni Michelle sa pagkakataon na iyon.
“Di namin malilimutan kung gaano ka kagaling sa entablado, kung gaano ka kabilis mag-isip ng mga punchlines na magugulat ang lahat, ang husay mo magingles, timing, bagsak, isa ka pong idol nay!” sabi ni Pepita.
Pagbabahagi pa ni Pepita, kahit kailan ay hindi siya sinungitan ni Michelle kahit noong nagsisimula pa lang siya, at hindi rin naging maramot sa pagbibigay ng suporta.
“Habang tinatype ko to, binubura ko, nahihiya ako magpost ng ganito kahaba pero minsan lang naman ito para sayo Nay ” sabi ni Pepita.
Bukod kay Pepita, maraming comedians at dating mga nakatrabaho si Michelle na nagpahayag ng kanilang lungkot sa pagpanaw ni Michelle.
Wala pang ibang detalye na ibinahagi si Pepita tungkol sa pagpanaw ng komedyante.
Kilala si Michelle, o Ador, sa iba't ibang comedy films katulad ng Wapakman at 2012 film na May Amiga Girl. Madalas din siyang napapanood sa mga comedy bars. Kamakailan lang ay nag-guest din siya sa Family Feud kung saan nakasama niya ang ibang comedians.
RELATED: KiLALANIN ANG PINOY COMEDIANS NA PUMANAW NA DITO
Pumanaw ngayong Sabado, June 1, ang beteranong komedyante na si Gary Lising sa edad na 78. Hindi idinetalye ng kanyang pamilya ang kanyang ikinamatay ngunit maaalalang nagkaroon siya ng cardiac arrest noong 2009 at sumailalim sa angioplasty noong 2012. Nakilala siya sa '80s gag show na 'Champoy.'
Si Dolphy ay kilala bilang King of Philippine Comedy dahil sa kanyang iconic TV shows at movies. Noong July 10, 2012 sa edad na 83 years old, pumanaw si Dolphy. Ayon sareports, nagkaroon ng COPD (chronic obstructive pulmonary disease) at pneumonia ang King of Comedy.
Ang Master Showman at loyal Kapuso na si German "Kuya Germs" Moreno ay pumanaw dahil sacardiac arrest noong 2016. Bukod sa pagiging komedyante ay isa ring star builder si Kuya Germs sa pamamagitan ng kanyang youth-oriented show noon na 'That's Entertainment.'
Si Bentong ay nakilala sa comedy at variety shows. Nitong February 9, 2019 ay pumanaw ang aktor sa edad na 55 years old dahil sa heart attack.
October 29, 2023, pumanaw sa edad na 45 ang aktor, direktor, at komedyante na si Joey Paras. Matatandaan na nagkaroon ng komplikasyon sa puso si Joey kung saan sumalang siya sa ilang mga operasyon gaya ng angioplasty. Napanood si Joey sa ilang mga programa sa GMA gaya ng Sunday Pinasaya.
October 29, 2023, pumanaw sa edad na 45 ang aktor, direktor, at komedyante na si Joey Paras. Matatandaan na nagkaroon ng komplikasyon sa puso si Joey kung saan sumalang siya sa ilang mga operasyon gaya ng angioplasty. Napanood si Joey sa ilang mga programa sa GMA gaya ng Sunday Pinasaya.
October 29, 2023, pumanaw sa edad na 45 ang aktor, direktor, at komedyante na si Joey Paras. Matatandaan na nagkaroon ng komplikasyon sa puso si Joey kung saan sumalang siya sa ilang mga operasyon gaya ng angioplasty. Napanood si Joey sa ilang mga programa sa GMA gaya ng Sunday Pinasaya.
October 29, 2023, pumanaw sa edad na 45 ang aktor, direktor, at komedyante na si Joey Paras. Matatandaan na nagkaroon ng komplikasyon sa puso si Joey kung saan sumalang siya sa ilang mga operasyon gaya ng angioplasty. Napanood si Joey sa ilang mga programa sa GMA gaya ng Sunday Pinasaya.
Tulad ni Bentong ay heart attack rin ang naging sanhi ng pagpanaw ni Chokoleit. Ikinagulat ng lahat ang pagkamatay ni Chokoleit ilang sandali lamang pagkatapos ng kanyang show sa Abra.
Heart attack din ang dahilan ng pagpanaw ng comedian-actress na si Joy Viado. Isa si Joy sa kilalang comedians na sumikat sa telebisyon at pelikula.
Si Pablito Sarmiento o mas kilala bilang Babalu ay isa sa mga naging sikat na komedyante noon. Sa sakit na cancer binawian ng buhay ang aktor.
Namayagpag ang career ni Redford White dahil sa kanyang karakter na Sol sa sitcom na 'Buddy en Sol' noong 1990s. Namayapa ang aktor dahil sa brain and lung cancer noong July 25, 2010 sa edad na 54 years old.
Si Rene Requiestas ay isa sa top comedians noong late '80s hanggang early '90s. Ilan sa mga naging proyekto ni Rene ay ang 'Pido Dida' at 'Cheeta-eh: Ganda lalake?'
Kilala naman si Panchito bilang partner sa pagpapatawa ni Dolphy. Ayon sa mga ulat ay may dalawang buwan nang nakaratay sa ospital ang 70-anyos na si Panchito na nagkasakit ng cardio pulmonary arrest bago siya bawian ng buhay.
Sa 'Iskul Bukol' nakilala si Mely Tagasa sa kanyang iconic role na Miss Tapia. Bago maging komedyante ay naging radio talent muna si Mely sa edad na 17 years old.
Naging '90s novelty hitmaker si Blakdyak dahil sa kanyang mga awitin tulad ng "Modelong Charing," "Noon at Ngayon" at "Asin at Paminta." Pumanaw si Blakdyak or Joseph Formoran Amoto sa totoong buhay noong 2016.
Ang country's "Queen of Rock and Roll" na si Elizabeth Ramsey ay kilala sa kanyang Visayan dialogues at ang kanyang pag-awit ng trademark cover na "Proud Mary" ni Tina Turner.
Taong 2014 napabalitang pumanaw mula sa isang bus accident papuntang Bontoc si Tado. Si Arvin Jimenez sa totoong buhay ay isang Filipino comedian, actor, radio personality, businessman, published author at activist.
Isang beteranong slapstick comedian noong 1970s and 1980s si Palito. Si Reynaldo Alfredo Hipolito sa totoong buhay ay pumanaw noong 2010.
Si Jose Clemente de Andres o Bangkay ay nakilala dahil sa kanyang roles sa horror films. Pumanaw ang komedyante noong 2018.
Ang dating sidekick sa comedy movies at TV shows na si Larry "Pipoy" Silva ay pumanaw sa edad na 66 years old noong 2004. Siya ay sumikat dahil sa kanyang role bilang "Pipoy" noong'80s hanggang '90s sa 'Okey Ka, Fairy Ko.'
Sumakabilang buhay ang dating komedyante na si Zorayda Sanchez dahil sa sakit na breast cancer noong 2008. Si Zorayda ay naging scriptwriter at sumikat bilang komedyante noong '80s at '90s.
Naging household name ang pangalan ni Tiya Pusit noong '80s sa comedy shows. Pumanaw ang aktres dahil sa multiple organ failure.
Si 'The Reycard Duet' unang naging matunog ang pangalan ni Carding Castro. Nakilala naman sa mundo ng comedy shows at films si Carding noong '90s.
Sa pelikula naman nagbigay ng saya ang komedyanteng si Chiquito.
Taong 2013 binawian ng buhay ang komedyanteng si Sammy Lagmay. Siya ay sumikat noong'90s sa ilang sitcoms.
Dahil sa heart failure ay pumanaw ang komedyanteng si Noel Ayala o mas kilala bilang Ungga.
Ang stage actor at comedian na si Bernardo Bernardo ay isa mga naging kasama ni Dolphy noon sa isang sitcom. Taong 2018 binawian ng buhay ang aktor.
Sa pagiging extra at sa kumpas ng dalawang kamay niya sa gilid ng kanyang ulo habang siya ay nagsasalita nakilala si Ben Tisoy.
Naging magkatrabaho rin sina Tommy Angeles at Dolphy noon sa isang sitcom kung saan nakilala siya bilang Mang Tomas.
Pumanaw na ang komedyanteng si Kim Idol nitong July 13, 2020, ilang araw matapos mapabalitang siya ay nasa kritikal kondisyon at naka-life support na lamang. Bilang pag-alala sa malapit na kaibigan, inihayag ni Allan K. na si Kim ay isa sa mga pinakamahuhusay na komedyante na nakilala niya. Aniyam "You will always be remembered by people whose lives you touched through comedy. Rest in peace, Kim Idol. We will miss you."
Si Le Chazz na mas kilalang Richard Yuzon sa tunay na buhay ay napabalitang pumanaw na nitong May 1, 2021.
Pumanaw ang kilalang komedyanteng si Mahal nitong August 31, ayon sa kanyang kapatid. Isa sa mga pinakakilalang little people sa local showbiz si Mahal, o Noeme Tesorero sa tunay na buhay. Madalas niyang makapareha noon ang kapwa little person na si Mura, o Allan Padua, na binisita pa niya ilang linggo bago siya mamatay.