Sa Eleksyon 2022, maraming artista at personalidad ang tumakbo sa iba't ibang posisyon, mapa-national man o local.
Nangunguna sa listahan ang Pambansang Kamao na si Manny Pacquiao at Isko Moreno na parehong tumakbo bilang Pangulo. Hindi man pinalad na manalo, buong pagpapakumbabang tinanggap nina Manny at Isko ang naging resulta ng halalan.
Sa pagka-vice president, nag-concede na rin ang longtime 'Eat Bulaga' host na si Tito Sotto kay Davao City mayor Sarah Duterte na kasalukuyang nangunguna sa partial at unofficial tally.
Bigo rin ang Kapuso na si Richard Yap sa kanyang pagtakbo bilang congressman ng first district ng Cebu City. Kahit na hindi siya nagtagumpay, taos puso namang pinasalamatan ni Richard ang kanyang mga kababayan.
Bukod sa kanila, kilalanin pa ang ibang mga personalidad na bigo sa kanilang kandidatura sa eleksyon 2022.
Nag-concede na ang pambasang kamao na si Manny Pacquiao sa frontrunner na si dating senador Bongbond Marcos.
Katulad ni Manny, nagpaabot na rin ng pagbati si Isko Moreno kay Bongbong na nangunguna sa partial at unofficial tally.
Nag-concede na rin ang longtime 'Eat Bulaga' host na si Tito Sotto kay Davao City mayor Sarah Duterte na kasalukuyang nangunguna sa partial at unofficial tally.
Pinasalamatan naman ng Kapuso actor na si Richard Yap ang kanyang mga tagasuporta. Hindi pinalad si Richard na manalo bilang congressman ng first district ng Cebu City.
Natalo naman sa kapwa artista na si Yul Servo si Raymond Bagatsing na tumakbo bilang vice mayor ng Maynila.
Hindi pinalad na makapasok sa konseho ng Quezon City ang beauty queen na si Ali Forbes.
Bigo rin sa kanyang kandidatura bilang councilor ng lone district ng Olongapo si Claudine Barretto.
Talo ang aktor na si Bobby Andrews sa kanyang pagtakbo bilang councilor ng fourth district ng Quezon City.
Hindi rin pinalad ang komedyanteng si Long Mejia na tumakbo bilang Provincial Board Member ng first district ng Bulacan.
Tumakbo rin bilang Provincial Board Member ng fifth district ng Bulacan si Dan Alvaro ngunit hindi siya pinalad.
Bigo rin ang dancer na si Mariposa na makasungkit ng puwesto bilang councilor ng lone district ng Meycauyan, Bulacan.
Hindi pinalad ang aktres na si Arci Muñoz na manalo bilang councilor ng Cainta, Rizal.
Bigo rin si Dennis Padilla na maluklok bilang councilor ng Caloocan City.
Talo ang komedyanteng si Inday Garutay bilang councilor ng second district ng San Juan City.
Hindi mauupo bilang congresswoman ng Second District ng Quezon City si Precious Hipolito-Castelo matapos siyang talunin sa posisyon ng anak ni Raffy Tulfo na si Ralph.
Hindi pinalad si Rommel Padilla na maluklok bilang congressman ng first district ng Nueva Ecija.
Talo ang basketball star at coach na si Alvin Patrimonio sa kanyang kandidatura bilang mayor ng Cainta, Rizal.
Bigo ang kapatid ni Joyce Pring na si Victor sa kanyang kandidatura bilang konsehal ng second district ng Quezon City.
Talo ang mang-aawit na si Imelda Papin na tumakbo bilang gobernador ng Camarines Sur.
Hindi pinalad ang dating aktor at dating mayor ng Quezon City na si Herbert Bautista sa kanyang pagtakbo bilang senador.
Bigo ang aktor at martial artist na si Monsour Del Rosario sa kanyang pagtakbo bilang senador.
Talo ang talent manager na si Arnold Vegafria sa kanyang kandidatura bilang mayor ng Olongapo City, Zambales.
Hindi pinalad ang dating Kapamilya reporter na si Sol Aragones na tumakbo bilang gobernador ng Laguna.
Natalo ang asawa ng aktres na si Ara Mina na si Dave Almarinez sa pagtakbo nito bilang congressman ng second district ng Laguna.