IN PHOTOS: Herlene "Hipon Girl" Budol, gaganap bilang reality show star Rose Vega sa '#MPK'
Photo Inside Page
Photos
Tampok ang buhay ng reality show star na si Rose Vega sa isang episode ng real life drama anthology na '#MPK' o 'Magpakailanman.'
Si Herlene "Hipon Girl" Budol ang magbibigay-buhay sa kanyang kuwento na pinamagatang "Fiancée or Financier."
Makikilala ni Rose sa social media ang Amerikanong si John. Dahil minsan nang nabigo sa pag-ibig, iiwasan ni Rose si John.
Pero sa dahil sa encouragment ng kanyang kapatid, ipagpapatuloy ni Rose ang komunikasyon nila ni John.
Mahuhulog ang loob ni Rose sa Amerikano at ikakatuwa niya nang sabihin nitong pupunta siya sa Pilipinas para makapagsama sila.
Pero pagdating ni John sa Pilipinas, laking gulat ni Rose na may kasama itong TV crew!
Aaminin sa kanya ni John na sumali pala ito sa isang reality show sa Amerika.
Halos walang pribadong moment sina Rose at John dahil tuloy tuloy lang nag pagsunod at pagkuha sa kanilang TV crew.
Paano ito tatanggapin ni Rose?
Abangan 'yan sa "Fiancée or Financier: The Rose Vega Story," November 18, 8:15 p.m. sa '#MPK.'
Silipin ang ilang eksena mula sa episode sa gallery na ito:
