Puhunan ng bawat mang-aawit ang kanilang mga boses kaya naman nang mawala ito kay Jamie Rivera ilang buwan bago mag-concert, inamin ng 'The Inspirational Diva' na nagkaroon siya ng anxiety.
Sa Fast Talk with Boy Abunda nitong Miyerkules, April 1, tinanong ni King of Talk Boy Abunda si Jaime kung ano ang saloobin nito sa isang panayam ni Asia's Songbird Regine Velasquez patungkol sa pagbabago ng boses nito habang nagkaka-edad.
Sabi naman ni Jamie tungkol dito, “I think this hoarseness of our voices, it all happens to all, it happens to everybody, mostly singers. And as you age, parang siyempre, nagkakaroon kami ng parang kumbaga sa brake pads, nagagasgas 'yan, e kakagamit mo.”
“So same thing with us. 'Yung muscle namin and vocal chords, siyempre 'pag masyado na siyang gamit, you have to rest it, and it really becomes a source of anxiety Kuya Boy, kasi it happened to me just recently,” pagpapatuloy nito.
Dahil nabanggit na rin ni Jamie ang tungkol sa nangyari sa kaniya kamakailan, tinanong na ni Boy kung ano ang nangyari. Alamin ang kwento ng singer tungkol dito sa gallery na ito:
Kwento ni Jamie, may concert sila noong Pebrero ni Raymond Lauchenco. Dalawang buwan bago ang naturang concert, nawalan na ng boses ang singer.
Ayon kay Jamie, maraming factors ang involved kung bakit siya nawalan ng boses, "I went on vacation in Vietnam and then we went to Taiwan, then after that, I went to America, then after that I went to Europe. So it's a combination of climate change or 'yung weather, paiba-iba 'yung weather, and at the same time, pagod na rin."
Ani Jamie, pag-uwi ay umuubo-ubo na siya. At nang magpa-check up, nalaman na may dysphonia siya. "'Pag meron kang muscle na namaga because of rheumatoid arthritis. It's an autoimmune disease na 'pag meron kang rheumatoid arthritis, there's a certain muscle here (throat) that really parang inflamed," sabi ng singer.
Umabot rin sa puntong kailangang mag-voice rest ni Jamie kaya naman dalawang buwan pa lang bago ang concert, wala na umano siyang kinakausap.
Sabi ni Jamie, sampung araw bago mag-concert, may lumalabas nang boses sa kaniya. Ngunit kasabay nito ay ang anxiety na baka hindi niya maabot ang high notes ng mga kanta.
Sinigurado naman ng singer na makakuha siya ng tulong medikal. Lumapit na siya sa mga doktor at sinunod ang mga payo nila na ipahinga ang boses.
Pero hindi lang iyon ang due diligence niya, dahil lumapit din siya sa Panginoon at nanalangin. Sa katunayan, lumapit pa siya kay Saint Blaise, ang patron saint ng mga taong may voice illnesses.
Aminado naman si Jamie na ang sinusubok ay ang pananampalataya niya, "Hindi naman mangyari na the moment you received the blessing, hindi ka naman magkakaroon kaagad, e. You need patience, you need the blessings, you need the faith."
Nilinaw din ni Jamie na kahit hindi pa rin lumalabas ang kaniyang boses, ayaw niyang mag-cancel dahil bukod sa nahihiya siya kay Raymond, malaki ang paniniwala niyang babalik ang boses niya sa araw mismo ng concert.
Pagbabahagi ni Jamie, "Because of my faith with the Lord. I know that he will be there with me on stage. And of course, with due diligence, going to the doctor, nu'ng concert mismo, lumabas din 'yung boses ko."