Relationship
Jaya, muling na-engage sa asawang si Gary Gotidoc
Photo Inside Page
Photos
Naging extra special ang plano sana nina Queen of Soul Jaya at asawa niyang si Gary Gotidoc na mag-renew ng vows ngayong taon. Bukod kasi sa plano nilang simpleng wedding, sinigurado rin ng kaniyang asawa na mag-propose ito sa singer.
Sa Instagram post ni Jaya nitong Huwebes, February 12, ibinahagi ng singer na muli silang na-engage ng asawa nito lang February 8 na naganap sa Colorado Springs.
Sa video na pinost ng singer, makikitang nag-iikot-ikot at nagse-selfie sila ng asawa sa Colorado Springs. Maya-maya pa, sinimulan nang kausapin ni Gary si Jaya.
“This last 20 years that we've been married, we've been through a lot. We've been through ups and downs, and being married to you for the last 20 years made me realize that Jesus is alive and you've made me experience love that I've never experienced before,” saad ni Gary.
KILALANIN ANG IBA PANG CELEBRITIES AT KANILANG NON-SHOWBIZ PARTNERS SA GALLERY NA ITO:
Naputol na ang videong pinost ni Jaya, ngunit sa susunod nga mga video at litrato, makikitang sinuutan ni Gary ang singer ng singsing.
Kwento ni Jaya, “My husband Gary surprised me together with our friends by The Garden of the Gods. Whaaaat??? I really had no idea he was going to do this.”
Ani Jaya, kinasal sila no Gary noong 2006 sa isang civil wedding. Kaya naman, matapos ang 20 taon, pinlano nilang magkaroon ng simpleng church wedding ngayong 2026.
“We both wanted to do a simple church wedding this year. So I guess, he really had to propose Honey, thank you for asking me and you know I will always say YES! I thank the Lord for keeping us together all these 20 years,” sabi ni Jaya.
Sinabi rin niya na sa wakas ay ihahayag na nila ang kanilang mga pangako sa isa't isa “for real.”
“With Jesus Christ in the center, our children and dear friends, we can finally say I do and I will!!! I love you forever my love,” sabi ni Jaya.
Pinasalamatan din niya ang mga kaibigan na naroon at nagplano kasama ni Gary.
Samantala, narito ang ilang celebrity engagements na nangyari abroad:
