Jennylyn's manager explains her absence in GMA station ID; quells network transfer rumors

Mariing pinabulanan ng management team ni Jennylyn Mercado, ang Aguila Entertainment, ang bali-balitang paglipat ng aktres sa ibang network.
Unang lumabas ang usap-usapan ng mga netizens tungkol sa paglipat ni Jennylyn nang mapansin na wala ito sa inilabas na bagong station ID ng GMA Network.
Panoorin ang bagong GMA Station ID dito:
Sa official statement ni Becky Aguila, ang founder at veteran artist manager ng Aguila Entertainment, binigyang-diin niya na nanatiling loyal artist ng GMA ang Ultimate Star.
"I just want to clarify to those who keep on insinuating re the issue of network transfer that Jennylyn is a loyal artist of GMA and will always remain loyal for as long as her mother network wants her to stay.
"She was absent from the station ID simply because she was unavailable that day. Rest assured GMA extended an invitation to her, which we very much appreciate."
Huling napanood sa GMA si Jennylyn sa GMA Prime series na Love. Die. Repeat, kasama si Xian Lim.
BALIKAN ANG SHOWBIZ CAREER NI JENNYLYN THROUGH THE YEARS SA GALLERY NA ITO:
Samantala, kamakailan lang ay umingay din ang panagalan ng asawa ni Jennylyn at kapwa Aguila Entertainment artist na si Dennis Trillo. Sa Tiktok, isang netizen ang nagtanong kung bakit wala sa station ID si Jennylyn, at tinanong kung lilipat nga ba ito sa [ABS]-CBN.
Ang sagot umano ng aktor, “May ABS pa ba?”
Nauna nang naglabas ng statement ang Aguila tungkol dito at sinasabing hindi si Dennis ang sumagot sa comments at na-hack ang Tiktok account ng aktor.
“We would like to inform the public that Dennis Trillo's Tiktok account has been hacked around noontime today, July 1, 2024. There were some comments made using his name and we assure everyone that it was not his doing,” sabi nila sa statement.
Ito rin ang binigyang-diin ng founder ng Aguila Entertainment sa official statement na ipinadala sa GMANetwork.com at iba pang entertainment media.
Aniya, “Dennis is a very humble and respectful and known to be a man of few words. He is not the type who would release comments that are insensitive to others most especially to his former colleagues in ABS-CBN where he was first launched via Star Circle.
“His account was hacked yesterday as what our official statement said."
Sa huli, hiniling ni Becky na, "Hope these clears everything. We appeal to the public to stop spreading hate and false accusations online."
Abangan si Dennis as historical drama na Pulang Araw sa GMA Prime.
Samantala, narito ang alamin ang proud Kapuso moments ng mga paborito ninyong artista rito:































































