Fast Talk with Boy Abunda
Jillian Ward spills clues about her 'Mystery Man'
Photo Inside Page
Photos
Lakas-loob na sinagot ni Star of New Gen Jillian Ward ang ilang katanungan tungkol sa kaniyang trending na Mystery Guy nitong Lunes, February 2, sa afternoon talk show na Fast Talk with Boy Abunda.
Ayon sa ilang clues na ibinahagi ni Jillian sa King of Talk na si Boy Abunda, ang kaniyang Mystery Guy ay isang 22 to 24 na matangkad na bahagi rin ng showbiz. Ngunit mayroon din daw itong mga ginagawa sa labas ng industriya.
Pag-amin pa ng Never Say Die actress ay nakilala niya raw si Mystery Guy sa showbiz, ngunit saka niya lang ito ipakikilala sa publiko kung magtatagal ang kanilang relasyon.
Kuwento pa ni Jillian: “Sa lahat ng mga nanliligaw sakin, I think, siya 'yung talagang pina-pafeel niya na special ako.”
Sa parehong panayam, binalikan ng Kapuso actress kung paano nabuo ang kanilang entry sa Big Guy trend.
@jillianwxrd first tiktok for 2026
♬ Big Guy - from "The SpongeBob Movie: Search for SquarePants” - Ice Spice
“We were hanging out tapos na-bore ako, sabi ko 'Mag-TikTok nga tayo,' pero ayaw ko po muna ireveal kung sino siya,” kuwento ni Jillian. “Nakailang takes po kami niyan dahil ayaw ko pong kahit tenga niya ay makita.”
Dagdag pa ni Jillian sa kaniyang description kay Mystery Guy: “He's tall. Hindi lang halata sa video kasi naka-crouch siya para hindi kita mukha niya.”
All-out din daw sa suporta si Mystery Guy sa mga gusto ni Jillian, pati na ang kaniyang karera.
“Game naman po siya sa lahat ng gusto kong gawin,” ani Jillian. “He gets my job.”
RELATED GALLERY: JILLIAN WARD EMBRACES HER ADULT ERA
