Hating Kapatid
Joyang shows fun off-cam moments with 'Hating Kapatid' co-stars
Photo Inside Page
Photos
Patuloy na tumitindi ang mga tagpo sa nalalapit na pagtatapos ng family drama series na Hating Kapatid.
Sa likod ng mga mabibigat na eksena, makikita ang masaya at magandang samahan ng cast ng naturang serye off-cam. Sa katunayan, ibinabahagi ng Hating Kapatid stars ang ilang behind-the-scenes moments nila sa set, na nagpapakita ng kanilang nakatutuwang bonding.
Sa Instagram, in-upload ng content creator-actress na si Joyang ang ilang behind-the-scenes photos kasama sina Cassy Legaspi, Cheska Fausto, Vanessa Pena, Luri Nalus, at Bryan Corpuz at makikita rito na lahat sila'y mayroong icing sa mukha.
"Ngayon na nga lang maganda nagka-icing pa hahaha," sulat niya sa caption.
Sa episode ng Hating Kapatid nitong Lunes (March 9), matatandaan na nagkainitan sina Belle (Cassy Legaspi) at Tally (Cheska Fausto) sa isang event dahil hindi matanggap ng huli na lahat ng bagay na mayroon siya ay napupunta na sa una.
