#JulieVid: Kilig moments nina Julie Anne San Jose at David Licauco sa set ng 'Heartful Café'
Photo Inside Page
Photos
Sa pagsisimula ng 'Heartful Café,' marami nang fans ang nagsi-ship sa tambalan ng Kapuso talents na sina Julie Anne San Jose at David Licauco.
Nagsimula ito nang mag-post ang leading man ng serye sa kanyang Instagram at sinabing “Hi, Heart!” na talaga namang kinagiliwan ng fans sa social media.
Mula noon, araw-araw nang sinubaybayan ng mga tagahanga nina Julie at David ang development ng kanilang mga karakter online sa pamamagitan ng Twitter at Instagram.
Sa panayam ng GMANetwork, aminado naman si David na malaki ang paghanga niya sa Asia's Pop Diva.
Aniya, “She's very nice. As we all know maganda naman talaga si Julie and she's very talented.
“But ang pinakahinahangaan ko sa kanya is 'yung mood niya at 8 a.m. is not different from 'yung mood niya [sa] last scene which is around 1:30 a.m. I think that says a lot about her na masipag talaga siya at gusto niya 'yung ginagawa niya.
“Sinabi ko nga sa kanya 'yun, e. Na parang ang galing at 'di ko siya nakita ever na sumimangot.
“Kasi minsan naman talaga nakakapagod at 'di naman madaling maging artista.
“So minsan, may mga ilan na napapakita 'yon. Pero si Julie, same lang 'yung vibe niya from 7 a.m. to 2 a.m. the next day.”
Sa 'Heartful Café' gaganap si Julie bilang si Heart Fulgencio, isang online romance novelist at owner ng nasabing coffee shop. Dito, maraming mga karakter ang makakasalamuha ni Heart na ipagpe-pair niya base sa kani-kaniyang personalities.
Sa cafe rin makikilala ni Heart si Ace Nobleza, ang role ni David Licauco na isang goal-driven person na magiging co-investor niya sa kanyang booming business.
Tingnan ang ilang JulieVid moments ng dalawang Kapuso stars sa set ng 'Heartful Café.'
