News
Kahit mga artista, umaaray na sa kanilang electric bill
Photo Inside Page
Photos
Ilang artista ang nagbahagi ng kanilang hinaing matapos matanggap ang kanilang electricity bill.
Kabilang sa mga ito sina Jayson Gainza, Barbie Imperial, at Cacai Mitra, na personal na ipinakita ang kanilang mga electricity bill sa social media.
Saad ng TiktoClock host na si Jayson, "Dear @meralcoph Kami po ay walang laundry shop, wala din po kaming talyer at lalaing lalo na wala kaming 4 na swimming pool paki explain papano nyo ito na compute ng ganito kalaki . Baka naman pag nagsolar kami maging 12k na lang kuryente namin aba aba baka lalo kayong yumaman!"
Samantala, nagpahayag naman ng pagkagulat si Barbie Imperial sa natanggap niyang bill na nagkakahalaga ng halos PhP 19,000.
"Yung mag isa ka lang sa condo halos wala kapa araw araw dahil 12-14 hours ka sa taping. Meralco wild!!!"
Samantala, sinabi naman ni Cacai, "Ayoko na sana makisabay, pero mahimatay naman ako dito Meralco. super conscious na nga ako sa gamit ng kuryente. Bahay lang po kami hindi commercial building.”
