Naganap nitong Martes, February 10 ang premiere night ng upcoming family drama movie na The Lotto Winner na pinagbibidahan nina Kylie Padilla, Albert Martinez, at Sienna Stevens.
Naganap ang premiere night sa Cinema 3 ng The Block, SM North, na dinaluhan ng ilan sa cast members at ng kanilang direktor na si RC Delos Reyes. Samantala, ilang fans at celebrities din ang nagpunta para magbigay suporta sa pelikula.
Tingnan ang mga naganap sa red carpet premiere night ng The Lotto Winner sa gallery na ito:
Present sa red carpet premiere ang aktor na si Randy Villarama na masayang naging parte ng naturang pelikula.
Dumalo rin ang beteranong aktor na si Robert Seña sa naganap nga premiere night.
Present din ang Kapuso child star na si Sienne Stevens sa naganap nga red carpet premiere.
Hindi rin mawawala si Kapuso star Kylie Padilla sa premiere night ng kaniyang comeback movie na The Lotto Winner.
Sinalubong naman ng nakabibinging hiyawan ang aktor na si Albert Martinez nang lumakad siya sa red carpet.
Puno naman ng pasasalamat si Direk RC Reyes sa mga nagpunta at nagpakita ng kanilang suporta sa kanilang upcoming movie.
Present din si Karina Bautista na nahuli man ng pagdating, hindi naman nagpatalbog sa paglakad sa red carpet.
Naroon din ang co-star nilang si Milo Elmido Jr. na nagsilbing host ng programa.
Nagbigay din ng suporta ang ilang Kapuso stars kabilang na si Kyline Alcantara, na co-star din ni Kylie Padilla sa isang upcoming action-drama series.
Nagpunta rin doon para ibigay ang kaniyang suporta si singer-actor Matt Lozano.
Pagbabahagi ni Kylie Padilla tungkol sa kanilang pelikula, "Sana nagdala kayo ng tissue kasi nakakaiyak po talaga 'yung kuwento. But sana, like me, nu'ng ginawa ko itong pelikulang ito, may na-heal po sa puso ko when I made this movie. And sana ganu'n rin ang effect sa inyo." Panoorin ang The Lotto Winner ngayong February 18 sa mga sinehan nationwide.