Isang relaxing Monday morning ang bumati sa mga Kapuso kasama ang real-life couple na sina Karylle at Yael Yuzon!
Sa GMA morning show na 'Unang Hirit,' masayang ipinasilip ng 'It's Showtime' host ang kanilang family farm house na Casa Esperanza sa Lucban, Quezon.
Mula sa aesthetic forest garden hanggang sa kanilang relaxing casitas, nagbigay ng house tour ang mag-asawa kasama si Chef JR Royol.
"Meron kaming tatlong casita. So napakaganda rin diyan. Pwede ka mag-relax. Kung gusto mo nga, lalo na 'pag tag-ulan, doon ka lang. Makukuha mo 'yung tulog na the best tulog mo sa buhay mo," kuwento ni Karylle.
Bukod sa house tour, naghanda rin si Chef JR ng kanyang Sweet and Sour Pompano habang nakapanayam ang sweet couple.
Tingnan ang ilang snaps ng farmhouse tour kasama sina Karylle at Yael dito:
Masayang ipinasilip nina Karylle at Yael Yuzon ang kanilang family farm house sa Quezon, kasama ang GMA morning show na 'Unang Hirit.'
Kuwento ni 'It's Showtime' host Karylle, madalas mag-enjoy ang kanilang pamilya sa kanilang farmhouse sa pamamagitan ng musika, masasarap na pagkain, at pag-relax sa breathtaking nature view.
Masayang nilibot ni Chef JR Royol ang Casa Esperanza kasama sina Karylle at Yael Yuzon. Bilang munting regalo, niluto niya ang kanyang Sweet and Sour Pompano!
Game na sumali sina Karylle at Yael Yuzon sa nakakatawang Bu-K-ngan challenge at sa isang nakakakilig na jamming. Natawa pa ang couple nang hinandugan sila ng regalo: pajama set na may mga mukha nila!
Kaya rin ma-enjoy ng mga Kapuso ang relaxing feels ng Casa Esparanza dahil open din ito sa publiko.