Isang bagong himig ng kilig, pagkakaibigan, at pangarap ang nakatakdang magpatibok sa puso ng mga manonood tuwing hapon ngayong Hunyo sa pinakabagong romantic drama series ng GMA Public Affairs, ang You're My Favorite Song sa GMA Afternoon Prime.
Matapos ang kanilang matagumpay na journey sa Pinoy Big Brother Celebrity Collab Edition 2.0 journey, handa na sina Heath Jornales, Marco Masa, Clifford, at Caprice Cayetano na pagbidahan ang isang seryeng paniguradong magpapakilig sa atin tuwing hapon.
Sa isang panibagong teaser na inilabas ng GMA Public Affairs, pinangalanan na ang mga karakter ng apat na leading stars para sa naturang romantic-teen drama ng Kapuso Network.
Sa direksyon ng premyadong direktor na si JP Habac, abangan ang romantic drama series na ito ngayong June sa GMA Afternoon Prime!
Kilalanin ang mga karakter ng apat na bida ng You're My Favorite Song sa gallery na ito.
Malapit na nating mapanood si Caprice Cayetano bilang si Angel sa kanyang kauna-unahang pagbida sa isang serye sa telebisyon, ang You're My Favorite Song.
Gagampanan naman ni Heath Jornales ang musically inclined na karakter ni Miguel.
Makikilala na rin natin ang best friend ni Angel na si Zion na gagampanan naman ni Marco Masa.
Si Clifford naman ang gaganap sa karakter ni Calix na isa sa magiging academic rivals ni Angel.
Abangan ang kakaibang onscreen chemistry nina Caprice Cayetano at Marco Masa bilang sina Angel at Zion!
Mapanatili kaya nila ang kanilang pagkakaibigan, o may mas malalim pa palang himig ang tibok ng kanilang mga puso?
Mula sa pagiging mahigpit na academic rivals, may puwang kaya ang pagkakaibigan sa pagitan nina Angel at Calix?
Tiyak na aabangan ng lahat ang tapatan at kilig sa pagitan nina Caprice Cayetano at Clifford!
Mapupuno ng musika at tamis ang inyong mga hapon sa pagsasama nina Caprice Cayetano at Heath Jornales.
Sabay-sabay nating alamin kung paano babaguhin nina Angel at Miguel ang buhay ng isa't isa sa pamamagitan ng kanilang musika at pagkakaibigan.
Malapit na natin marinig ang tibok ng puso ng bawat karakter sa upcoming series na You're My Favorite Song, ngayong June na sa GMA Afternoon Prime!