Kitang-kita ang lakas online ng reggae sensation at social media personality na si Elias J. TV, na may mahigit 50 million views na ang kanyang clips mula sa hit fantaserye na 'Encantadia Chronicles: Sang'gre' simula nang mapanood siya noong March 30.
Sa Sang'gre, napapanood si Elias J. TV bilang Elias, mula sa mundo ng mga tao na ginawang alipin ng isang Encantado. Binili ni Daron ang kanyang kalayaan.
Kinabahan man sa kanyang unang acting stint sa telebisyon, pero naging palaban sa aktingan ang pride ng North Cotabato.
Mas kilalanin pa si Elias J. TV sa gallery na ito:
Tubong North Cotabato si Elias Gabonada Lintucan Jr. o mas kilala bilang Elias J. TV.
Ipinanganak si Elias J. TV noong May 11, 2000 sa Magpet, North Cotabato.
Bago pa man niya pasukin ang musika, nakapagtapos ng kursong Criminology si Elias J. TV.
Sa interview sa PEP.ph, ikinuwento ni Elias J. TV na pitong taong lamang siya nang magsimulang kumanta. Inumpisahan niya ang kanyang karera sa musika nang pumasok sa banda noong 2021.
Nagsimulang makilala si Elias J. TV ng marami, lalo na sa Kabisayaan at Mindanao, sa kanyang mga song covers at ilang orihinal na kanta na ipino-post niya sa social media. Kasalukuyan siyang mayroong 8.9 million followers sa Facebook.
Kilala si Elias J. TV sa kanyang pangmalakasang performances sa stage at reggae music. Ilan sa sikat niyang awitin ay "Puhon," "Ohahay," at "Lipad."
Kabi-kabila ang live events at gigs ni Elias J. TV sa iba't ibang bahagi ng bansa.
Alam ba ninyo na naging rubber farmer si Elias J. TV? Ito ang ang naging inspirasyon niya sa kanyang sikat na Rubber Tree dance.
Napanood na si Elias J. TV sa ilang TV shows tulad ng Kapuso Mo, Jessica Soho, Fast Talk with Boy Abunda, at ngayon sa hit fantaserye na Encantadia Chronicles: Sang'gre.
Noong March 30, sumabak sa kanyang kauna-unahang acting stint si Elias J. TV nang mapanood siya sa hit fantaserye na Encantadia Chronicles: Sang'gre. Gumanap siya bilang Elias, mula sa mundo ng mga tao na ginawang alipin ng isang Encantado.