Killer ni Gustavo, mabubunyag na ngayong Lunes; Netizens, may kanya-kanyang hula!
Photo Inside Page
Photos
Ang kasagutan sa tunay na pumatay kay Gustavo Royales, malalaman na ngayong Lunes sa Royal Blood! Sa pinaka inaabangang rebelasyon, may kanya-kanyang hula na ang manonood.
May ilang nagsasabi na maaaring si Anne (Princess Aliyah) ang suspect sa paglason kay Gustavo (Tirso Cruz III) dahil, anila, ito na lang ang hindi napagbibintangan. Mayroon ding mga nagsasabi na maaaring ginamit si Archie (Aidan Veneracion) sa pagpatay kay Gustavo.
Hinala naman ng ilan si Cleofe (Ces Quesada) ang salarin dahil, anila, may mas malalim pa itong galit kay Gustavo. Si Diana (Megan Young) naman ang itinuturong "mastermind" ng ilang manonood.
Hindi rin nakaligtas si Napoy, na pinagbibidahan ni Kapuso Primetime King Dingdong Dantes, sa mga pinaghihinalaan ng manonood.
Marami rin ang naghihinala kay Otep (Benjie Paras), na nanguna sa isinagawang suspect poll ng Royal Blood para sa ika-13th week nito.
Ikaw, may final suspect ka na rin ba sa tunay na pumatay kay Gustavo Royales?
