'KZ Tandingan' impersonator wins as Ultimate Kalokalike in It's Showtime's 'Kalokalike Face 4'
Photo Inside Page
Photos
Itinanghal ang KZ Tandingan ng La Union na si Vyan Dela Cruz bilang ang Ultimate Kalokalike sa Ultimate Face-Off ng “Kalokalike Face 4” ng It's Showtime.
Bilang Ultimate Kalokalike, nakatanggap si Vyan ng trophy, artista package, at cash prize na PhP300,000. Sa episode ngayong Sabado (November 23), ipinamalas ng KZ Tandingan impersonator ang kanyang vocal prowess sa stage at kuhang kuha nito ang look ng kilalang mang-aawit.
Pinarangalan naman bilang second placer ang Bruno Mars ng Cebu na si Kent at siya ay nakatanggap ng PhP100,000. Bukod dito, nanalo rin ng special award na Trending award si Kent.
Samantala, nanalo ang Daniel Padilla ng Quezon City na si Jerome bilang third placer at siya ay nakatanggap ng PhP50,000.
Bukod dito, mayroon ding special awards na ibinigay sa contestants. Ang BINI Jhoanna ng Davao Del Norte ay itinanghal bilang Kalokalikeable award, habang ang Ariana Grande impersonator ng Makati City ang pinarangalan ng Kumarir award.
Subaybayan ang It's Showtime tuwing Lunes hanggang Sabado, 12 noon, sa GMA, GTV, at iba pang Kapuso platforms.
TINGNAN ANG TRENDING KALOKALIKE FACE 4 CONTESTANTS SA GALLERY NA ITO:
