Itinanghal si Althea Ruedas bilang Pinakapasadong Batang Aktres sa 25th Gawad Pasado Awards na ginanap kamakailan. Ito ay para sa natatangi niyang pagganap sa pelikulang Doll House.
https://www.gmanetwork.com/entertainment/tv/eat_bulaga/17053/get-to-know-little-miss-diva-grand-winner-althea-ruedas/photo?amp
Ayon kay Althea, hinding-hindi niya malilimutan ang pelikulang ito dahil “it's my first time riding an airplane, two day before my birthday.”
Nakausap ng GMANetwork.com at ilang piling entertainment media si Althea kamakailan. Dito, nabanggit din niya kung gaano sila kasaya sa set kasama ang bidang aktor na si Baron Geisler.
“Tinutulungan niya rin po ako kapag nahihirapan po ako.'Tapos, dahil nga po nasa ibang bansa kami, kapag rest day naglilibot-libot kami roon kasama si Tita Jamie, his wife.”
Ang Doll House, na kinunan sa bansang Netherlands, ay concept story ng Kapuso actress na si Faye Lorenzo.
https://www.gmanetwork.com/entertainment/showbiznews/news/94486/concept-story-ni-faye-lorenzo-na-doll-house-kasama-si-baron-geisler-nananatiling-trending-sa-netflix/story?amp
Samantala, seryosong-seryoso si Althea sa kanyang acting career.
Sa panayam ng press sa kanya, sinabi ng 10-year-old actress na hinahanap-hanap daw ito talaga ng kanyang katawan.
“Masaya po kasi gustung-gusto ko po talaga siya. Kasi, kapag wala po akong shooting, medyo hinahanap po ng katawan ko. Dati po, noong wala akong shooting, sabi ko kay mama, 'Mama, maghanap ka nga po ng maso-shooting-an.'”
Kaya naman tinanong ng GMANetwork.com kung nakararamdam din siya ng pagod sa trabaho.
Nakangiting sagot ni Althea, “No po, kasi ganun talaga ako kapag gusto ko, hindi ako napapagod.”
Dagdag pa niya, “Kapag gusto ko po. Hindi po ako napapagod. Kahit yung from 6 a.m. kahit hanggang 6 a.m. po ng kinabukasan ulit kaya ko po yan. Basta po gusto ko yun."
Kaugnay nito, aminado si Althea na minsan ay nahihirapan siyang gawin ang isang eksena. Pero hindi raw siya napanghihinaan ng loob. Sa halip, mas nagpupursige pa raw siyang mapabuti ang kanyang trabaho.
“May mga times po kasi hindi naman po yun mawawala. Pero as people say, practice makes perfect. Makaka-improve po ako sa mga ginawa ko po na yun. Alam ko na po yung dapat at hindi dapat gawin sa acting po; and kung ano yung dapat at hindi dapat isipin,” paliwanag niya.
Bagamat napapadalas ang kanyang acting project, hindi naman daw napapabayaan ni Althea ang talento niya sa pagkanta, na nagpanalo sa kanya sa dating singing competition sa Eat Bulaga na “Little Miss Diva.”
“Habang nasa set po ako, kanta ako nang kanta, yung kung ano lang ang naisip kong kantahin, kakantahin ko na po.”
Sa ngayon, abala si Althea sa pagpo-promote ng pelikula niya kasama si Jerald Napoles, ang Instant Daddy.
KILALANIN PA SI ALTHEA SA GALLERY NA ITO:
Muling nakatanggap ng acting recognition si Althea Ruedas para sa pagganap niya sa pelikulang 'Doll House.' Sa ginanap na 25th Gawad Pasado Awards itinanghal siya bilang Pinakapasadong Batang Aktres.
Ayon kay Althea, gusting-gusto niya ang maging aktres noon pa. “Naa-amaze lang po ako kung paano sila [mga aktor] umarte, kung paano nila nagagawa yung isang character kahit hindi sila ganun.
Sa pelikulang 'Doll House,' nakasama ni Althea ang aktor na si Baron Geisler.
Bago ang Gawad Pasado, kinilala na rin ang galing ni Althea sa pag-arte sa 6th Asia-Pacific Luminaire Awards.
Bukod sa acting, wagi rin si Althea Ruedas sa singing competition ng 'Eat Bulaga,' ang “Little Miss Diva.”
Kahit busy sa trabaho, nagagawa pa rin ni Althea ang mag-enjoy. Hindi rin niya napapabayaan ang kanyang pag-aaral. Sa katunayan, isa sa siya sa top three sa kanilang klase.
Nang tanungin kung ano ang ultimate goal niya sa showbiz, sagot ni Althea, “Ako po, kahit ano, basta magawa ko pa rin ang gusto ko, ang makapag-acting pa rin po ako.”
Siyempre, hindi rin pababayaan ni Althea Ruedas ang talento niya sa pagkanta.
Althea Ruedas ay bibida sa pelikulang 'Instant Daddy' kasama si Jerald Napoles.
“Masaya po kasi gustung-gusto ko po talaga siya,” sabi ni Althea Ruedas tungkol sa kanyang showbiz career.