Sa mahigit 200 episode ng GMA Afternoon Prime series na 'Lilet Matias, Attorney-At-Law,' maraming kaso ang hinawakan ni Atty. Lilet Matias (Jo Berry) na nakatulong sa mga taong lumapit sa kanya.
Ang unang kaso ni Atty. Lilet ay ang custody case nina Monica Umni (Camille Prats) at Nymia Ozdemir (Maybeline Dela Cruz).
Napanood rin sa 'Lilet Matias, Attorney-At-Law' ang Superstar na si Nora Aunor bilang si Charito Mercado, isang inang inako ang kasalanan ng anak na nasa autism spectrum.
Nagsilbi itong reunion nina Jo, Nora, at Mikee Quintos, ang gumanap bilang anak ni Charito na si Langgay. Una silang nagkasama sa 'Onanay.'
Bukod sa kanila, balikan kung sinu-sinong artista ang napanood sa 'Lilet Matias, Attorney-At-Law' sa mga larawang ito.
Isa ang batikang aktres na si Gina Alajar sa mga unang nag-guest sa 'Lilet Matias, Attorney-At-Law' bilang si Judge Liberty Villaroman.
Ginampanan ni Camille Prats si Monica Umni, ang unang naging kliyente ni Atty. Lilet Matias.
Si Maybeline Dela Cruz naman ang gumanap na Nymia Ozdemir, ang kabilang kampo sa unang kaso ni Lilet.
Ginampanan ni Bodjie Pascua si Lolo Isko, ang aksidenteng nabangga ni Aera (Analyn Barro).
Si Judge Zopronio Azala, ang hukom sa kaso ng murder case ni Tinang Ces (Glenda Garcia), ang ginampanan ni Boboy Garrovillo.
Ang abogado ni Trixie (Zonia Mejia) sa rape case niya laban kay Inno (Joaquin Domagoso) na si Atty. Katarina Almodal ang karakter ni Max Collins.
Ang hukom sa Engano Rape Case ay si Judge Serafina Agustin, na ginampanan ng beteranang aktres na si Odette Khan.
Nag-reunite rin sina Jo Berry at Nora Aunor sa 'Lilet Matias, Attorney-At-Law' nang maging guest star ang Superstar bilang si Charito Mercado.
Ang anak ni Charito Mercado na si Langgay, na nasa autism spectrum, ang ginampanan ni Mikee Quintos. Inako ni Charito ang hindi sinasadyang pagpatay ni Langgay sa kanyang asawang si Karding.
Si Royce Cabrera ang gumanap na Karding, ang asawa ni Langgay.
Tampok sa concubinage case si Rocco Nacino bilang si Samson Guerrero.
Si Winwyn Marquez ang gumanap na asawa ni Samson na si Feliz at siyang nagsampa ng kasong concubinage.
Si Lianne Valentin ang gumanap bilang si Aila Ocampo, ang pinagbibintangan ni Feliz na kabit ng asawa niya.
Ang hindi alam ni Feliz, ang totoong kabit ng asawa niya ay ang kapatid ni Aila na si Genesis, na binigyang-buhay ni Kristoffer Martin.
Ang aktres na si Estar Valencia ang karakter ni Arra San Agustin. Lumapit siya kay Atty. Lilet para sa kustodiya ng kanyang tinatagong anak.
Si Jon Lucas si Kenneth, ang ama ng anak ni Estar. Si Kenneth ang nagpalaki sa kanilang anak kasama ng kanyang partner.
Ang hukom na si Judge Marcelina Legaspi ang ginampanan ni Bibeth Orteza. Si Judge Marcelina ang naging hukom sa murder case ni Atty. Meredith Simmons (Maricel Laxa-Pangilinan) kung saan si Lilet (Jo Berry) ang napagbintangan.
Ang ginampanan ni Matet de Leon ay si Ella Tobias, ang naging kaibigan ni Lilet sa loob ng kulungan. Nang mapunta sa Public Attorney's Office si Lilet, tinulungan niya si Ella sa kaso nito.
Ang nakatatandang babaeng kapatid ni Atty. Kurt Ignacio (EA Guzman) na si Maxine ang ginampanan ni Geneva Cruz.
Sa kaso ng lupa, ginampanan ni Rhian Ramos si Mia, ang bunso sa magkakapatid.
Si Allen Dizon ang gumanap bilang Tomas, ang panganay sa magkakapatid.
Si Rodjun Cruz ay si Ramon, ang gitna sa magkakapatid.
Gumanap si Gelli de Belen bilang si Elisa, ang legal na asawa ng lalaking may anak sa labas.
Si Vaness Del Moral naman ang gumanap bilang Pia, ang ina ng anak sa labas ng namayapang asawa ni Elisa. Nagsampa ng kaso si Pia para sa pamanang iniwan sa kanyang anak.
Ang abogado ni Atty. Renan (Tom Rodriguez) na si Atty. Alex Romantico ang karakter ni Rafael Rosell. Si Atty. Alex ang abogado ni Atty. Renan sa sinampang kaso sa kanya laban sa pagpatay kay Atty. Meredith.
Si Janice de Belen naman ang gumaganap bilang si Atty. Clarisse Zamora, ang abogado ni Patricia Engano (Sheryl Cruz).
May espesyal na partisipasyon rin si Kylie Padilla sa finale episode ng 'Lilet Matias, Attorney-At-Law' na mapapanood sa Sabado, February 8.
Ang Kapuso Primetime King na si Dingdong Dantes naman ang gaganap bilang si President Frederico Macalintal. Ano kaya ang koneksyon ni President Frederico kay Lilet?