Ilang mga celebrities na nakilala natin bilang young stars noon ay mga loving mommies na ngayon.
Ang mga artistang sila Camille Prats, Iya Villania, Yasmien Kurdi ay ilan lamang sa celebrities na nagsimula ng maaga sa showbiz. Ngayon, panibagong role naman ang kanilang ginagampanan... ang pagiging supermoms sa kanilang mga anak.
Kilalanin natin sila sa gallery na ito:
Si Camille Prats ay nakilala sa kanyang iconic character na Princess Sarah. Ngayon mommy na siya ng 3 beautiful kids na sina Nathan, Nala, at Nolan.
From being a child star, kilala na ngayon si Meryll Soriano bilang "Mama Meme" nina Elijah at Gido.
Natupad naman ang pangarap ni Angelica Panganiban na magkaroon ng anak ngayong 2022. Ipinanganak ng dating child star si Baby Amila Sabine Homan last September 20.
Ang dating nakilala bilang 'StarStruck' Ultimate Female Survivor at Kapuso teen star na si Jennylyn Mercado ay isa na ngayong mommy of two. Siya ang beautiful mom nina Alex Jazz at Baby Dylan.
Unang napanood si Chesca Garcia bilang isa sa sikat na young star noong 90s. Ngayon ay mommy na siya ng Team Kramer kids na sina Kendra, Scarlett, at Gavin.
Nakilala si Chynna Ortaleza bilang isa sa mga batang kabilang '5 and Up'. Si Chynna ay kilala na ngayon bilang aktres, host, musician, at hands-on mommy nina Stellar at Salem.
From 'Click' teen star to supermom of Primo, Leon, Alana, and Astro nakilala ang Kapuso actress at host na si Iya Villania.
Nagsimula bilang cute and bubbly young star si Roxanne Barcelo. Ngayon nakatira na si Roxanne sa Taiwan kasama ang asawa na si Jiggs at anak na si Cinco. Ayon sa dating aktres, ipapanganak ang kanyang ikalawang anak sa 2023.
Isang proud mommy na rin kay Ayesha ang dating teen star na si Yasmien Kurdi.
Ang dating kinagigilawan na child star na si Maybelyn Dela Cruz ay happy mom na dahil sa kanyang anak na si Olivia.
Isa ring dating teen star ng Kapuso network si Tricia Roman. Ngayon, siya ay may dalawang anak na sina Wednesday at Andri.
Hands-on sa pag-aalaga sa cute niyang anak na si Baby Martina ang 'StarStruck' season 1 graduate na si Sheena Halili.
Isang sweet mom ang 'StarStruck' alumna na si Nadine Samonte sa kaniyang tatlong anak.
Soon-to-be mom of two ang dating child star na si Trina Legaspi o mas kilala bilang si Hopia.