Bukod sa pagiging magtiyuhin, kilala rin bilang mag-best friends sina Meryll Soriano at Mel Martinez.
Paano naging matalik na magkaibigan ang dalawa?
“Kasi nga, panganay akong apo, and then, siya 'yung bunso sa magkakapatid so kami ýung malapit, kami 'yung unang magkalaro,” paliwanag ni Meryll sa Fast Talk with Boy Abunda nitong Lunes, November 10.Ayon kay Mel, nakatulong din ang eight-year difference ng kanilang mga edad kaya tila magkapatid lang sila ng kanyang pamangkin.
“Siyempre, dahil nga we grew up together, dancing, sa pag-acting, singing, kung saan-saan pa, so du'n na-develop din 'yung pagiging mag-best friend din namin,” sabi ng aktor.
Alamin ang kuwentong mag-best friend at tito nina Meryll at Mel sa gallery na ito:
Kahit mag-best friends, nilinaw naman nina Meryll at Mel na meron pa ring boundaries sa pagitan nilang dalawa.
Pagpapatuloy pa ni Mel, "Kami, we grew up na kapag mas nakakatanda sa 'yo, nandoon parati 'yung respeto, which is ganu'n kami ni Meryll, hindi niya ako binabastos. Kumbaga, 'yung respeto niya sa akin is very high."
Nilinaw din ni Mel na hindi niya kinailangan i-demand ang respeto dahil kusa na itong binibigay ni Meryll.
Pagdating naman sa mga problema at challenges sa buhay, bukas din sina Meryll at Mel sa isa't isa.
Sa katunayan, pag-amin ni Meryll, hindi lang sa pagitan nilang dalawa ng kaniyang tito, kundi maging sa buong pamilya ay open sila sa isa't isa.
Dahil sa eight-year difference nina Mel, na bunso sa magkakapatid; at Meryll, na panganay na apo; halos sabay na silang lumaki at tumanda.
Kuwento pa ni Mel, halos lahat ng aktibidad, tulad ng pagkanta, pagsayaw, at maging pagsisimula nila bilang artista, sabay nilang ginawa ni Meryll.
Ani Mel, dahil madalas silang magkasama ni Meryll, na-develop ang kanilang pagkakaibigan.
Kilala rin sina Mel at Meryll bilang kapatid at pamangkin ni Diamond star Maricel Soriano.
Pag-amin ng dalawa, pressured sila sa pagpasok nila sa showbusiness dahil pakiramdam nila ay kailangang tapatan si Maricel. Gayunman, grateful din ang dalawang aktor sa Diamond stard sa pagiging generous nito, bilang aktres at pamilya.