Fast Talk with Boy Abunda
Marco Masa, Eliza Borromeo, nilinaw ang nabuong love triangle nila kasama si Miguel Vergara
Photo Inside Page
Photos
Maraming fans ang nalungkot sa paglabas nina Kapuso star Marco Masa at Kapamilya Star Eliza Borromeo sa naganap na eviction night nitong Sabado, November 29 sas Pinoy Big Brother Celebrity Collab Edition 2.0. Sa paglabas nila, dala rin nila ang malaking parte ng nabuong love triangle sa pagitan nila at ni Miguel Vergara.
Sa pagbisita nina Marco at Eliza sa Fast Talk with Boy Abunda nitong Lunes, December 1, nilinaw ng dalawang former teen housemates ang naturang love triangle na nabuo sa loob ng bahay ni Kuya.
Sabi ni Eliza, bago pa man sila pumasok sa loob ng bahay ni Kuya ay meron nang namumuo sa pagitan nila ni Miguel, ngunit hindi naman ito natutuloy.
“Bago po talaga ako pumasok ng PBB, meron na po talagang something. Pero natitigil po siya kasi open naman po talaga ako na sinasabi ko na gino-ghost po ako ni Miguel,” sabi ni Eliza.
Dahil umano sa pang-go-ghost na ito, unti-unti nang nawala ang nararamdaman ng aktres para kay Miguel.
“Hindi ko po alam kung dapat ko po siyang gustuhin or hindi na,” sabi ni Eliza.
Alamin ang buong kwento ng love triangle nina Marco, Eliza, at Miguel sa gallery na ito:
