Max Collins on what she learned about her past relationship: 'I need to love myself more'
Photo Inside Page
Photos
Kinumpirma na ng aktres na si Max Collins na matagal na silang hiwalay ng aktor at dating asawa na si Pancho Magno.
Sa episode ng Fast Talk with Boy Abunda ngayong Lunes, May 29, unang inamin ni Max ang kanilang naging hiwalayan ni Pancho.
Pero kung may natutunan man umano si Max sa naging relasyon nila ni Pancho, ito ay ang mas pagbibigay respeto at pagmamahal sa sarili.
“What did you learn from this relationship?” tanong ni Boy kay Max.
“You have to respect yourself and love yourself enough to leave the table when your needs aren't being met,” sagot naman ng aktres.
Dagdag pa niya, “This does not go for everyone, I'm sorry if I offend anyone, but that's something that I have learned I need to love myself more to know what makes me happy and what can make me the best version of myself because you only have one life to live.”
“Umiyak ka na? Nailabas mo na?” sundot na tanong ni Boy.
“Yes, nailabas ko na,” nakangiti namang sinabi ng aktres.
Sa ngayon, maayos naman co-parenting set-up nina Max at Pancho para sa kanilang anak na si Skye.
Aniya, “We're in a very good place now. Our child is almost three [years old] and he is very happy, and healthy and we're so blessed that we have a very good co-parenting relationship. We're the best of friends. We're closer now.”
Taong 2017 nang ikasal sina Max at Pancho at nagkaroon sila ng anak na si Skye taong 2020.
Samantala, mapapanood naman si Max sa upcoming action-comedy series ng GMA na Walang Matigas Na Pulis Sa Matinik Na Misis.
Patuloy naman na tumutok sa Fast Talk with Boy Abunda pagkatapos ng The Seed of Love sa GMA Afternoon Prime via television broadcast sa GMA at sa iba pang digital platforms.
BALIKAN ANG SWEET MOMENTS NINA MAX COLLINS, PANCHO MAGNO, AT KANILANG ANAK NA SI SKYE SA GALLERY NA ITO:
