Natupad na ang pangarap ni Mika Salamanca na maging children's book author.
Sa kaniyang solo media conference noong September 1, ibinahagi ni Mika ang kaniyang librong Lipad.
Ang Lipad ay kuwento ng isang batang diwata na si Mahika. Pakiramdam ni Mahika ay hindi siya sapat o mahalaga dahil sa maliit at naiiba niyang pakpak. Inamin ni Mika sa kaniyang media conference na siya ay si Mahika at kuwento ito ng kaniyang mga pinagdaanan sa buhay.
Alamin ang mga naganap sa media conference at mga kuwento ni Mika rito:
Isa na ngayong children's book author ang 'Pinoy Big Brother Celebrity Collab Edition' big winner na si Mika Salamanca.
Noong September 1, ibinahagi ni Mika Salamanca ang kaniyang librong 'Lipad' sa entertainment press.
Ang host ng book launch ni Mika Salamanca ay ang Sparkle artist na si Migs Almendras.
Naging emosyonal si Mika Salamanca dahil ang librong ito ay katuparan ng isa sa kaniyang mga pangarap sa buhay.
Ayon sa content creator, actress, at book author na si Mika Salamanca, ang kuwento ng 'Lipad' ay tungkol sa isang batang diwata na si Mahika. Sa libro ni Mika nakasulat na pakiramdam ni Mahika ay hindi siya sapat o mahalaga dahil sa maliit at naiiba niyang pakpak.
Inilahad ni Mika Salamanca na ang kuwento ni Mahika ay hango mula sa kaniyang naging karanasan sa buhay.
Personal na binasa ni Mika Salamanca ang kaniyang isinulat na kuwento.
Patuloy sa pagbibigay ng tulong si Mika Salamanca. Ayon sa Sparkle artist, nais niyang ibigay nang libre ang 'Lipad' ngunit sila ay nagdesisyon na ibenta ito para mas marami ang makabasa ng kaniyang kuwento.
Nagkaroon din ng book signing si Mika Salamanca sa mga dumalo sa kaniyang event.
Ang official debut ng 'Lipad' ay gaganapin sa Manila International Book Fair 2025 kung saan magkakaroon din si Mika ng reading session at book signing. Sa September 10 to 14 gaganapin ang Manila International Book Fair 2025 sa SMX Convention Center, Pasay City.