Fast Talk with Boy Abunda
Mikee Quintos, Heaven Peralejo, paano nga ba nagsimula ang pagkakaibigan?
Photo Inside Page
Photos
Isa sa mga kinagigiliwan ngayon ay ang pagkakaibigan ng mga aktres na sina Mikee Quintos at Heaven Peralejo. Naging palaisipan kasi sa marami ang kanilang pagkakaibigan, lalo na't nabibilang sila sa magkaibang network.
Sa Fast Talk with Boy Abunda nitong Lunes, ibinahagi nina Mikee at Heaven na nagsimula ang kanilang pagkakaibigan dahil sa kanilang makeup artist at pagpunta sa Siargao. Ayon kay Heaven, malungkot siya noon nang yayain ng kaniyang makeup artist sa naturang isla, kung saan makakasama umano nila si Mikee.
“May one time, ginagawa ko po 'yung Santa Cruzan, parang Elena yata ako. Umiiyak ako habang mine-makeup-an ako nu'ng makeup artist ko. Ta's sabi niya, 'Wag ka muna umiyak, halika na, pumunta tayo ng Siargao.' Sabi ko, 'Huh? Pa'no 'yun?' Sabi niya, 'Hindi, 'wag ka mag-alala, kasama natin si Mikee, du'n tayo maghi-heal.' Sabi ko, 'Talaga ba? Sige, i-book ko na nga.' Dahil lang du'n,” sabi ni Heaven.
Pero ayon sa dalawang aktres, magkakilala na sila bago pa man sila ipinakilala ng makeup artist nila sa isa't isa. Alamin ang kuwento nina Mikee at Heaven sa gallery na ito:
