Pinapairal man ang physical distancing, naging daan ang quarantine upang muling magsama-sama ang ating mga paboritong artista sa pamamagitan ng virtual reunions.
Gawa ng COVID-19 crisis, natigil ang regular programming sa TV. Nabago rin ang activities ng dating mga napaka-busy na celebrities.
Kasabay nito ang pag-a-adjust sa new normal at ang pagkauso ng video conferencing. Dahil dito, nagkaroon ng pagkakataon ang ilang mga artista na mag-reconnect. Muli nilang nakausap at nakapiling ang kanilang mga dating kagrupo o kasamahan sa programa bagama't online.
Kabilang sa mga nag-online reunion ay ang stars ng T.G.I.S., That's Entertainment, at pati na ang SexBomb Girls.
Na-miss n'yo ba sila? Silipin ang gallery na ito at alamin kung saan maaaring mapanood ang kanilang virtual get-togethers!
Ang original cast ng 'T.G.I.S.' na sina Ciara Sotto, Angelu de Leon, Bobby Andrews, Red Sternberg, Bernadette Allyson, Michael John Flores, at Raven Villanueva ay muling nagsama-sama via Zoom upang ipagdiwang ang 25th anniversary ng dating sikat na sikat na Kapuso program.
Nagsama-sama muli ang SexBomb singers na sina Rochelle Pangilinan, Jopay Paguia, Izzy Trazona, Yvette Lopez, Weng Ibarra, at Monic Icban sa two-part vlog ng Kapuso actress. Dito ay kinanta nila ang theme song ng Daisy Siete at nagkuwentuhan tungkol sa kanilang mga pinagkakaabalahan ngayong may COVID-19 crisis.
Walang kupas! Hataw pa rin sa kanilang performance ng mga pinausong dance hits ang SexBomb dancers. Mapapanood ang kanilang virtual dance reunion sa social media account ni Aira Bermudez.
Pinatunayan nina Manilyn Reynes, Sheryl Cruz, Tina Paner, Janno Gibbs, Monching Gutierrez, Keempee de Leon at Romnick Sarmenta na kayang-kaya pa rin nilang magpakilig at maghatid ng aliw nang mag-reunion sila sa kanilang performance na pinamagatang 'That's Quarantainment.'
Muling nagkulitan ang cast members ng 'T.G.I.S.' batch 3 na sina Anne Curtis, Chubi del Rosario, Aiza Marquez, Yves Gonzalez at Vanna Garcia. Una silang nag-virtual reunion noong Mayo at nagsama-sama muli ang karamihan sa kanila sa online show na 'Just In' kasama si Paolo Contis.
Ang mga mag-'SiS' na sina Carmina Villarroel, Gelli de Belen, at Janice de Belen, muling nagkumustahan sa stay-at-home version ng programang 'All Out Sundays.'
Na-miss niyo ba ang mga magkakapit-bahay na sina Mokong, Bubuli, Don Robert, Lucring, Honey Grace at Barbie Doll? May virtual reunion din ang cast ng 'Ober Da Bakod' na sina Janno Gibbs, Anjo Yllana, Leo Martinez, Malou de Guzman, Gelli de Belen at Donita Rose kasama ang kanilang direktor na si Ariel Ureta!
Iba talaga ang nabuong pagkakaibigan sa set ng 'Beautiful Justice!' Kaya kahit hindi pa taon ang lumipas simula nang matapos ang kanilang programa sa GMA Network, nagtipon-tipon sa isang video conference sina Gabbi Garcia, Yasmien Kurdi, Bea Binene, Bing Loyzaga, Valeen Montenegro, Victor Neri, Derrick Monasterio at Gil Cuerva.
World-class ang musical performances at entertainment na hinatid nina Julie Anne San Jose, Christian Bautista, Golden Cañedo, Jeremiah Tiangco, Lani Misalucha, Aiai Delas Alas, Rayver Cruz, Ken Chan at Rita Daniela sa kanilang ginawang online mini-concert para sa 'The Clash Reunion Live.'